കാളികാവ്: മമ്പാടുമൂല താള്‍കണ്ടിയിലെ അയ്യപ്പ ഭജന മഠത്തിനു കീഴിലെ ശ്രീകൃഷ്ണ ശോഭ യാത്രയ്ക്കു പനക്കപ്പാടം മുനവിറുല്‍ ഇസ്‌ലാം മദ്‌റസ പള്ളി കമ്മിറ്റിയുടെ നേതൃത്വത്തില്‍ സ്വീകരണം ഒരുക്കി. 10 വര്‍ഷങ്ങളായിട്ടു ശോഭ യാത്രയ്ക്കു പള്ളി മദ്‌റസ കമ്മിറ്റി സ്വീകരണം നല്‍കി വരുന്നുണ്ട്. മുനവിറുല്‍ ഇസ്‌ലാം കമ്മറ്റിയുടെ നേതൃത്വത്തില്‍ നടത്തുന്ന നബിദിന റാലിക്ക് അയ്യപ്പ ഭജനമഠം കമ്മിറ്റിയും സ്വീകരണം നല്‍കാറുണ്ട്.
അയ്യപ്പ ഭജനമഠം പ്രസിഡന്റിനെ മദ്‌റസ സെക്രട്ടി മട്ടുമ്മല്‍ സല്‍മാന്‍ നോട്ടുമാല അണിയിച്ചു. ശോഭ യാത്രക്കു മദ്‌റസ അങ്കണത്തിലാണു സ്വീകരണം ഒരുക്കിയത്. ് പായസ വിതരണം ചെയ്യുകയും ചെയ്തു.