തിരുവനന്തപുരം: ദേശീയ തലത്തില്‍ വന്‍ തിരിച്ച് വരവ് ലക്ഷ്യമിട്ട് രാഹുല്‍ ഗാന്ധിയുടെ നേതൃത്വത്തില്‍ കോണ്‍ഗ്രസ് നടത്തുന്ന ഭാരത് ജോഡോ യാത്ര രണ്ട് ദിവസം പിന്നിടുന്നു. യഥാര്‍ത്ഥ ഇന്ത്യയുടെ ശബ്ദം ശ്രവിച്ചാണ് രാഹുല്‍ ഗാന്ധിയുടെ യാത്രയെന്ന് വി.ടി ബല്‍റാം ഫേസ്ബുക്കില്‍ കുറിച്ചു.

കേവലമങ്ങ് നടന്നുപോവുകയല്ല, ജനജീവിതങ്ങളെ സ്പര്‍ശിച്ച്, യഥാര്‍ത്ഥ ഇന്ത്യയുടെ ശബ്ദം ശ്രവിച്ച്, കടന്നു വരികയാണ്- അദ്ദേഹം കുറിച്ചു.

രാവിലെ ഏഴു മണിയോടെ കന്യാകുമാരിയിലെ അഗസ്തീശ്വരം വിവേകാനന്ദ ഗ്രൗണ്ടില്‍നിന്നാണ് യാത്ര തുടങ്ങിയത്. വൈകീട്ട് നാഗര്‍കോവിലിലാണ് ഇന്നത്തെ യാത്രയുടെ സമാപനം. യാത്രയില്‍ രാഹുല്‍ ഗാന്ധിക്ക് അഭിവാദ്യങ്ങളര്‍പ്പിക്കാന്‍ ആയിരങ്ങളാണ് യാത്ര കടന്നുപോകുന്ന വഴിയില്‍ എത്തുന്നത്.