ന്യൂഡല്‍ഹി: ഇസ്‌ലാമാബാദിലുള്ള ഇന്ത്യന്‍ ഹൈക്കമ്മിഷന്‍ കോപൗണ്ടില്‍ ഡ്രോണ്‍ പ്രത്യക്ഷപ്പെട്ടതായി റിപ്പോര്‍ട്ട്. സംഭവത്തില്‍ ഇന്ത്യ പാകിസ്താനോട് പ്രതിഷേധം അറിയിച്ചു.

ജമ്മു കശ്മീരിലെ വ്യോമകേന്ദ്രത്തില്‍ ഡ്രോണ്‍ ആക്രമണമുണ്ടായതിനെ തുടര്‍ന്നുള്ള സംഘര്‍ഷാവസ്ഥയ്ക്കിടെയാണ് ഈ സംഭവം.

കഴിഞ്ഞ ഞായറാഴ്ചയുണ്ടായ ആക്രമണം പാകിസ്താന്‍ സര്‍ക്കാരിന്റെ പിന്തുണയോടെയായിരുന്നുവെന്നാണ് ഇന്ത്യയുടെ ആരോപണം. ആക്രമണത്തിനു പിന്നില്‍ ജയ്‌ഷേ മുഹമ്മദ്, ലഷ്‌കറേ ത്വയ്ബ തീവ്രവാദ സംഘമാണെന്നും ഇന്ത്യ ആരോപിച്ചിരുന്നു.