ദുബൈ:അബൂദബിയിലെ സാമൂഹിക സാംസ്‌കാരിക ജീവകാരുണ്യ സംഘടനയായ ടീം അബൂദബിയന്‍സ് ഏര്‍പ്പെടുത്തിയ ആദ്യ അച്ചടി മാധ്യമ പുരസ്‌കാരം സിറാജ് പത്രം അബൂദബി ബ്യൂറോ ചീഫ് റാശിദ് പൂമാടത്തിന് ലഭിച്ചു. അബൂദബി ഇസ്ലാമിക് സെന്ററില്‍ നടന്ന ചടങ്ങില്‍ ഇന്ത്യന്‍ എംബസി കോണ്‍സുലര്‍ ഡോ. ബാലാജി രാമസ്വാമി പുരസ്‌കാരം സമ്മാനിച്ചു. ലുലു എക്‌സ്‌ചേഞ്ച് സ്ട്രാറ്റജിക് ബിസ്‌നസ് റിലേഷന്‍ ഹെഡ് അജിത് ജോണ്‍സണ്‍ പൊന്നാട അണിയിച്ചു. എക്‌സ്പ്രസ്സ് സ്റ്റുഡിയോ നല്‍കുന്ന 10,001 രൂപയും ഫലകവുമാണ് സമ്മാനമായി ലഭിച്ചത്.