തൃപ്പൂണിത്തുറ: എരൂരില്‍ തെരുവ് നായക്കളെ കൂട്ടത്തോടെ ചത്തനിലയില്‍ കണ്ടെത്തി. പിഷാരികോവില്‍ റോഡ് അയ്യമ്പിള്ളിച്ചിറ റോഡിലാണ് സംഭവം. തിങ്കളാഴ്ച രാവിലെ നടക്കാന്‍ ഇറങ്ങിയവര്‍ റോഡില്‍ പലയിടങ്ങളിലായി നായകള്‍ ചത്ത് കിടക്കുന്നത് കണ്ടിരുന്നു.

പ്രദേശവാസിയായ തൊട്ടടുത്തുള്ള പറമ്പില്‍ അഞ്ച് നായകളെയും കുഴിച്ചിടുകയും ചെയ്തു. നായകളെ വിഷം കൊടുത്ത് കൊന്നതാണെന്ന സംശയത്തില്‍ മൃഗസ്‌നേഹികള്‍ പൊലിസില്‍ പരാതി നല്‍കിയിട്ടുണ്ട്. പരാതിയുടെ അടിസ്ഥാനത്തില്‍ പൊലിസും എസ്.പി.സി.എക്കാരും സ്ഥലത്തെത്തി.

ഇന്ന് വൈകീട്ട് കുഴിച്ചിട്ടിരുന്ന നായകളെ പുറത്തെടുത്ത് പോസ്റ്റ്‌മോര്‍ട്ടം നടത്തി. അഞ്ച് നായകളുടെയും സാമ്പിളുകള്‍ കാക്കനാട് റീജണല്‍ അനാലിറ്റിക് ലാബിലേക്കും മൃഗസംരക്ഷണവകുപ്പിന്റെ പാത്തോളജിക്കല്‍ ലാബിലേക്കും പരിശോധനയ്ക്ക് അയക്കും.