കണ്ണൂര്‍: കുടിശികയുള്ള വിധവാ വയോജന ക്ഷേമപെന്‍ഷനുകള്‍ ഓണത്തിനു മുമ്പായി വിതരണം ചെയ്യണമെന്നും വിധവകളെയും വയോജനങ്ങളെയും പൂര്‍ണമായ റേഷന്‍ അര്‍ഹതാ മുന്‍ഗണനാ പട്ടികയില്‍ ഉള്‍പ്പെടുത്തണമെന്നും യുണൈറ്റഡ് വിധവാ-വയോജന ക്ഷേമസമിതി ജില്ലാ കണ്‍വന്‍ഷന്‍ ആവശ്യപ്പെട്ടു. പെന്‍ഷനുകള്‍ വിതരണം ചെയ്യുക, വിധവകള്‍ക്കു തൊഴില്‍ സംവരണം ഏര്‍പ്പെടുത്തുക, വയോജനക്ഷേമ കേന്ദ്രങ്ങള്‍ അനുവദിക്കുക തുടങ്ങിയ ആവശ്യങ്ങള്‍ ഉന്നയിച്ച് 31നു രാവിലെ 10.30ന് കണ്ണൂര്‍ കലക്ടറേറ്റ് പടിക്കല്‍ ധര്‍ണ നടത്തും. കണ്‍വന്‍ഷന്‍ കേന്ദ്ര ചീഫ് കോഓര്‍ഡിനേറ്റര്‍ വി.വി രാജേന്ദ്രന്‍ ഉദ്ഘാടനം ചെയ്തു. ജില്ലാ പ്രസിഡന്റ് കട്ടക്കുളം രാമചന്ദ്രന്‍ അധ്യക്ഷനായി. എ.കെ സതീഷ് ചന്ദ്രന്‍ മുഖ്യപ്രഭാഷണം നടത്തി. പി രമേശന്‍, മഞ്ജു നായര്‍, സി.കെ രൂപ, കെ ലക്ഷ്മി, പി.എ സീത, റുക്‌സാന, ശോഭന, ദേവദാസ് എളയാവൂര്‍, ബീപാത്തു സംസാരിച്ചു.