ജിദ്ദ: സഊദിയിൽ റോഡ് മുറിച്ചുകടക്കുന്നതിനിടയിൽ മലയാളി കുടുംബത്തെ വാഹനമിടിച്ചുണ്ടായ അപകടത്തിൽ നാലുവയസ്സുകാരി മരിച്ചു. പാലക്കാട്- തെക്കുമുറി (തൂത) സ്വദേശി പുളിക്കൽ മുഹമ്മദ് അനസിന്റെ മകൾ ഇസ മറിയം (4) ആണ് ഇന്നലെ അർധരാത്രി റീഹൈലിയിൽ വെച്ചുണ്ടായ അപകടത്തിൽ മരണപ്പെട്ടത്.

കൂടെയുണ്ടായിരുന്ന മാതാവ് അടക്കമുള്ളവർക്കും പരിക്കുകളുണ്ട്. സന്ദർശക വിസയിൽ എത്തിയതായിരുന്നു ഇവർ. പരിക്കേറ്റവരെ കിംഗ് അബ്ദുല്ല മെഡിക്കൽ കോമ്പ്ലസ് ആശുപത്രിയിൽ പ്രവേശിപ്പിച്ചു. നടപടിക്രമങ്ങൾ ജിദ്ദ കെഎംസിസി വെൽഫെയർ വിങ്ങിനു കീഴിൽ നടന്നുവരുന്നു.
ഇസ മറിയമിന്റെ മയ്യത്ത് ഖബറടക്കം ജിദ്ദയിൽ നടക്കും.