ലണ്ടന്‍: ഹോംഗ്രൗണ്ടില്‍ നടന്ന ആവേശകരമായ ചാംപ്യന്‍സ് ലീഗ് ഗ്രൂപ്പ് പോരാട്ടത്തില്‍ ലിവര്‍പൂളിന് 2-1ന്റെ ത്രസിപ്പിക്കുന്ന വിജയം. അയാക്‌സിനെതിരേ അവസാന മിനിറ്റില്‍ നേടിയ ഗോളിലൂടെ ലിവര്‍പൂള്‍ ഗ്രൂപ്പ് എയില്‍ വിലപ്പെട്ട പോയിന്റ് സ്വന്തമാക്കി.
17ാം മിനിറ്റില്‍ സൂപ്പര്‍ താരം മുഹമ്മദ് സലായിലൂടെ ലിവര്‍പൂള്‍ മുന്നിലെത്തി. ഡിയോഗോ ഗോട്ടയുടെ പാസ് ലഭിക്കുമ്പോള്‍ മുഹമ്മദ് സലായ്ക്ക് കൂടുതലൊന്നും ചെയ്യാനുണ്ടായിരുന്നില്ല. എന്നാല്‍ 10 മിനിറ്റില്‍ ഗോള്‍ തിരിച്ചടിച്ച് അയാക്‌സ് ഒപ്പമെത്തി. വിജയഗോളിനായി ലിവര്‍പൂള്‍ ആക്രമിച്ചുകളിച്ചെങ്കിലും 89ാം മിനിറ്റിലാണ് വഴിതുറന്നത്. സിമികാസിന്റെ ക്രോസിന് ജോയല്‍ മാറ്റിപ് ഉജ്വലമായി തലകൊടുത്തപ്പോള്‍ പന്ത് വലയിലേക്കേ് നീങ്ങി.