തിരുവനന്തപുരം: വഖഫ് നിയമ ഭേദഗതി ബില്‍ ഗവര്‍ണര്‍ ആരിഫ് മുഹമ്മദ് ഖാന്‍ ഒപ്പുവെച്ചു. വഖഫ് നിയമനം പി.എസ്.സിക്ക് വിട്ട തീരുമാനം പിന്‍വലിച്ചുള്ള ഭേദഗതിയാണ് ഗവര്‍ണര്‍ ഒപ്പിട്ടത്. 

സമസ്ത, ലീഗ് അടക്കമുള്ള സംഘടനകളുടെ എതിര്‍പ്പിനെ തുടര്‍ന്നായിരുന്നു സര്‍ക്കാരിന്റെ പിന്മാറ്റം. കഴിഞ്ഞ നിയമസഭാ സമ്മേളനം പാസ്സാക്കിയ ബില്ലിലാണ് ഗവര്‍ണ്ണര്‍ ഒപ്പിട്ടത്. സര്‍വ്വകലാശാല ലോകായുക്ത ബില്ലുകളില്‍ ഒപ്പിടില്ലെന്ന സൂചന ഗവര്‍ണ്ണര്‍ നല്‍കുമ്പോഴാണ് വഖഫിലെ അനുമതി.

വഖഫ് ബോര്‍ഡ് നിയമനം പി.എസ്.സിക്ക് വിട്ടു കൊണ്ടുള്ള തീരുമാനം റദ്ദാക്കിക്കൊണ്ടുള്ള ബില്‍ നിയമസഭ ഏകകണ്ഠമായാണ് പാസാക്കിയിരുന്നത്.