വെള്ളമുണ്ട: തരുവണ പുലിക്കാട് കണ്ടിയില്‍പൊയില്‍ മഫീദ തീപൊള്ളലേറ്റ് മരിച്ച കേസില്‍ രണ്ടാം ഭര്‍ത്താവിന്റെ മകന്‍ അറസ്റ്റില്‍. പുലിക്കാട് ടി.കെ ഹമീദ് ഹാജിയുടെ മകനും ഡി.വൈ.എഫ്.ഐ പുലിക്കാട് യൂണിറ്റ് സെക്രട്ടറിയുമായ ജാബിറിനെയാണ് ആത്മഹത്യാ പ്രേരണകുറ്റം ചുമത്തി മാനന്തവാടി പൊലിസ് അറസ്റ്റ് ചെയ്തത്.

മഫീദയുടെ മരണവുമായി ബന്ധപ്പെട്ട് മക്കള്‍ നല്‍കിയ പരാതിയില്‍ പൊലിസ് കേസെടുത്തിരുന്നു. വിശദമായ അന്വേഷണത്തിനൊടുവില്‍ മാനന്തവാടി സി.ഐ എം.എം അബ്ദുള്‍ കരീമിന്റെ നേതൃത്വത്തിലുള്ള സംഘമാണ് ജാബിറിനെ അറസ്റ്റ് ചെയ്തത്. പൊള്ളലേറ്റ് ചികിത്സയിലായിരുന്ന മഫീദ സെപ്തംബര്‍ രണ്ടിനാണ് മരണപ്പെട്ടത്. ഭര്‍ത്താവിന്റെ ബന്ധുക്കളും മക്കളും വിവാഹമോചനം ആവശ്യപ്പെട്ട് നടത്തിയ ഭീഷണിയാണ് ആത്മഹത്യയിലേക്ക് നയിച്ചതെന്നായിരുന്നു പരാതി.