ന്യൂഡല്‍ഹി: രാജ്യത്തെ പ്രായപൂര്‍ത്തിയായ എല്ലാവര്‍ക്കും ഈ വര്‍ഷം തന്നെ വാക്‌സിന്‍ നല്‍കുമെന്ന് കേന്ദ്രസര്‍ക്കാരിനു കീഴിലുള്ള വാക്‌സിന്‍ സംബന്ധിച്ച വിദഗ്ധ സമിതി. ഡിസംബറോടെ ലക്ഷ്യം പൂര്‍ത്തിയാക്കാന്‍ കഴിയുമെന്ന് സമിതി തലവന്‍ ഡോ. എന്‍.കെ അരോറ പറഞ്ഞു. വരുംമാസങ്ങളില്‍ കൂടുതല്‍ പേര്‍ക്ക് വാക്‌സിന്‍ നല്‍കാന്‍ കഴിയും. വാക്‌സിന്‍ ലഭ്യത വര്‍ധിക്കുന്നുണ്ട്. മെയ് വരെ പ്രതിമാസം 5.6 കോടി ഡോസുകളാണ് ലഭ്യമായിരുന്നത്. ഇപ്പോള്‍ 10 - 12 കോടി ഡോസുകള്‍ വരെ ലഭ്യമാണ്. അടുത്ത മാസം ഇത് 18 കോടി ആകും. സെപ്റ്റംബറോടെ 30 കോടിയിലധികം ഡോസുകള്‍ ലഭ്യമാക്കുമെന്നും അദ്ദേഹം പറഞ്ഞു.