തിരുവനന്തപുരം: സോളാര്‍ പീഡനക്കേസില്‍ ബി.ജെ.പി ദേശീയ വൈസ് പ്രസിഡന്റ് എപി അബ്ദുല്ലക്കുട്ടിയെ സി.ബി.ഐ ചോദ്യം ചെയ്തു. തിരുവനന്തപുരത്തെ സി.ബി.ഐ ഓഫിസില്‍ വച്ചായിരുന്നു ചോദ്യം ചെയ്യല്‍.

കോണ്‍ഗ്രസ് നേതാക്കള്‍ ഉള്‍പ്പടെ ആറ് പേര്‍ക്കെതിരെയാണ് കേസില്‍ സി.ബി.ഐ എഫ്.ഐ.ആര്‍ രജിസ്റ്റര്‍ ചെയ്തത്. ഇന്ന് ഹാജരാകാന്‍ സി.ബി.ഐ അബ്ദുല്ലക്കുട്ടിക്ക് നോട്ടീസ് നല്‍കിയിരുന്നു.

രാവിലെ എട്ടരയോടെ ആരംഭിച്ച ചോദ്യം ചെയ്യല്‍ ഉച്ചയ്ക്ക് പന്ത്രണ്ടര വരെ നീണ്ടു. ചോദ്യം ചെയ്യലുമായി പ്രതികരിക്കാന്‍ അബ്ദുല്ലക്കുട്ടി തയ്യാറായില്ല.