ഒഡീഷയിലെ ആറു ജില്ലകളില്‍ ശക്തമായി ഇടിമിന്നല്‍; പത്തു മരണം , മൂന്നു പേര്‍ക്ക് പരുക്ക്

ഭുവനേശ്വര്‍: ഒഡീഷയില്‍ ശക്തമായ ഇടിമിന്നലില്‍ 10 മരണം. മൂന്നു പേര്‍ക്ക് പരിക്ക്. സംസ്ഥാനത്തെ ആറു ജില്ലകളിലാണ് ഇടിമിന്നല്‍ ഉണ്ടായത്.

ഖോര്‍ദ ജില്ലയില്‍ നാലു പേരും ബോളാഗിറില്‍ രണ്ടും പേരും അന്‍ഗുല്‍, ബൗദ്, ജഗത്സിങ് പൂര്‍, ദെന്‍ഗല്‍ എന്നീ ജില്ലകളില്‍ ഓരോ ആളുകള്‍ വീതവുമാണ് മരണപ്പെട്ടത്. പരിക്കേറ്റ മൂന്നു പേര്‍ ഖോര്‍ദ ജില്ലക്കാരാണ്.

കഴിഞ്ഞ മെയില്‍ നയഗാര്‍ഹ് ജില്ലയിലുണ്ടായ ഇടിമിന്നലില്‍ ഒരു സ്ത്രീ ഉള്‍പ്പെടെ മൂന്നു പേര്‍ മരിച്ചിരുന്നു. ശരണകുള പൊലീസ് സ്റ്റേഷന്‍ പരിധിയിലെ വിവിധ സ്ഥലങ്ങളിലാണ് ഇടിമിന്നല്‍ ജീവന്‍ കവര്‍ന്നത്.