ജിദ്ദ: അന്താരാഷ്ട്ര ബഹിരാകാശ ഫെഡറേഷന്‍ (ഐ.എ.എഫ്) വൈസ് പ്രസിഡന്റായി സഊദി വനിത തെരഞ്ഞെടുക്കപ്പെട്ടു. മിഷ്അല്‍ അഷിമിംറിയാണ് ഐ.എ.എഫ് നേതൃനിരയിലേക്ക് എത്തുന്നത്. ഈ പദവിയിലെത്തുന്ന ആദ്യ വനിതയാണ് എയ്‌റോസ്‌പേസ് എന്‍ജിനീയറായ അഷിമിംറി. മിഷ്അല്‍ എയ്‌റോ സ്‌പേസിന്റെ സ്ഥാപക കൂടിയാണ്.

ഐ.എ.എഫില്‍ 12 വൈസ് പ്രസിഡന്റുമാരാണുള്ളത്. 71 രാജ്യങ്ങളില്‍ നിന്നായി 400ലധികം പേര്‍ അംഗങ്ങളാണ്.

അടുത്ത വര്‍ഷം സഊദി അറേബ്യ ബഹിരാകാശത്തേക്ക് ആദ്യ വനിതയെ അയക്കുമെന്ന് സഊദി അധികൃതര്‍ കഴിഞ്ഞ ദിവസം വെളിപ്പെടുത്തിയിരുന്നു. ഹ്രസ്വകാല, ദീര്‍ഘകാല ബഹിരാകാശ യാത്രകള്‍ക്ക് സഊദി പൗരന്‍മാരെ സജ്ജരാക്കുന്നതിന് വിഷന്‍ 2030നു കീഴില്‍ പദ്ധതികള്‍ നടന്നുവരികയാണ്.

ഫോട്ടോ-മിഷ്അല്‍ അഷിമിംറി