തെഹ്‌റാന്‍: മതകാര്യ പൊലിസിന്റെ കസ്റ്റഡിയില്‍ 22കാരി മഹ്‌സ അമീനി മരിച്ച സംഭവത്തില്‍ പ്രതികരണവുമായി അലി കരീമി രംഗത്ത്. ഇറാന്‍ ഫുട്‌ബോള്‍ ഇതിഹാസം അലി കരീമി ഏഷ്യന്‍ മറഡോണ എന്നാണ് അറിയപ്പെടുന്നത്.
മുന്‍ ദേശീയ ക്യാപ്റ്റനായ അലി കരീമിക്ക് ഇന്‍സ്റ്റഗ്രാമില്‍ 12 ദശലക്ഷവും ട്വിറ്ററില്‍ 4.5 ലക്ഷവും ഫോളോവേഴ്‌സുണ്ട്. പ്രക്ഷോഭകര്‍ക്ക് പിന്തുണ നല്‍കിയും മഹ്‌സ അമീനിക്ക് ഐക്യദാര്‍ഢ്യം പ്രഖ്യാപിച്ചുമാണ് ട്വീറ്റ്. ദുബായിലാണ് ഇപ്പോള്‍ അലി കരീമി താമസിക്കുന്നത്.
പ്രതിഷേധം ശമിപ്പിക്കുന്നതിന് ഇറാന്‍ ഭരണകൂടം സമൂഹ മാധ്യമങ്ങള്‍ക്കും ഇന്റര്‍നെറ്റ് സേവനങ്ങള്‍ക്കും നിയന്ത്രണമേര്‍പ്പെടുത്തിയിട്ടുണ്ട്.