വീണ്ടും ക്രൂരത; ആലുവയില്‍ ഉറങ്ങികിടന്ന എട്ട് വയസുകാരിയെ തട്ടിക്കൊണ്ട് പോയി പീഡിപ്പിച്ചു

കൊച്ചി: ആലുവയില്‍ രക്ഷിതാക്കള്‍ക്കൊപ്പം കിടന്നുറങ്ങിയ കുട്ടിയെ തട്ടിക്കൊണ്ട് പോയി പീഡിപ്പിച്ചു. ചാത്തന്‍പുറത്ത് പുലര്‍ച്ചെ രണ്ട് മണിയോടെയായിരുന്നു സംഭവം. അതിഥി തൊഴിലാളിയുടെ മകളാണ് അക്രമത്തിനിരയായത്. രക്ഷിതാക്കളോടൊപ്പം കിടന്നുറങ്ങിയ കുട്ടിയെ കാണാതായതോടെ നാട്ടുകാര്‍ നടത്തിയ തെരച്ചിലിനൊടുവില്‍ സമീപത്തെ പാടത്ത് നിന്നാണ് കുട്ടിയെ കണ്ടെത്തിയത്. ഉടന്‍ തന്നെ കുട്ടിയെ വിദഗ്ദ ചികിത്സക്കായി സമീപത്തെ ആശുപത്രിയിലേക്ക് മാറ്റി.

അതേസമയം ആരാണ് കുട്ടിയെ തട്ടിക്കൊണ്ട് പോയതെന്ന് കണ്ടെത്താനായിട്ടില്ല. പൊലിസ് സ്ഥലത്തെത്തി അന്വേഷണം ആരംഭിച്ചിട്ടുണ്ട്.