വീടിന്റെ ചുറ്റുമതില്‍ ഇടിഞ്ഞു വീണ് മൂന്നു വയസ്സുകാരന്‍ മരിച്ചു

താനൂര്‍: താനൂരില്‍ വീടിന്റെ ചുറ്റുമതില്‍ ഇടിഞ്ഞുവീണ് മൂന്നു വയസ്സുകാരന്‍ മരിച്ചു. കാരാട് മുനമ്പത്ത് പഴയ വിളപ്പില്‍ ഫസലുവിന്റെ മകന്‍ ഫര്‍ഷിന്‍ ഇശല്‍ ആണ് മരിച്ചത്. തിങ്കളാഴ്ച രാവിലെ ഒമ്പതോടെയാണ് അപകടം. കഴിഞ്ഞദിവസം പെയ്ത കനത്ത മഴയെ തുടര്‍ന്ന് ബലക്ഷയം സംഭവിച്ച മതില്‍ ഇടിഞ്ഞു വീഴുകയായിരുന്നു.

കുട്ടിയെ ഉടന്‍ തൊട്ടടുത്ത സ്വകാര്യ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. ഷെറീജ ഹഫ്‌സിയാണ് മാതാവ്. ഫാത്തിമ ജന്ന സഹോദരിയാണ്. വൈകീട്ട് നടക്കാവ് ജുമാ മസ്ജിദ് ഖബര്‍സ്ഥാനില്‍ ഖബറടക്കും.