ആലപ്പുഴ: ചങ്ങനാശേരിയില്‍ യുവാവിനെ കൊന്ന് വീടിനുള്ളില്‍ കുഴിച്ചിട്ട കേസില്‍ മുഖ്യപ്രതി പിടിയില്‍. കലവൂര്‍ ഐ.ടി.സി കോളനിയില്‍ നിന്നും മുഖ്യപ്രതി മുത്തുകുമാറിനെയാണ് പൊലീസ് പിടികൂടിയത്. കൊലപാതകത്തില്‍ ഉള്‍പ്പെട്ട മറ്റു രണ്ടുപേര്‍ക്കായി പൊലീസ് തിരച്ചില്‍ തുടരുകയാണ്. ആലപ്പുഴ സ്വദേശി ബിന്ദുകുമാറിനെയാണ് പ്രതികള്‍ കെലപ്പെടുത്തി വീടിനുള്ളില്‍ കുഴിച്ചിട്ടത്.

കൊലപാതകം നടത്താന്‍ മുത്തുകുമാറിനെ സഹായിച്ച മറ്റ് രണ്ട്‌പേര്‍ സംസ്ഥാനം വിട്ടതായാണ് സൂചന. ശനിയാഴ്ച രാവിലെയാണ് ചങ്ങനാശ്ശേരി എ.സി. റോഡില്‍ രണ്ടാംപാലത്തിന് സമീപത്തെ മുത്തുകുമാറിന്റെ വീട്ടില്‍നിന്ന് യുവാവിന്റെ മൃതദേഹം കണ്ടെത്തിയത്. യുവാവിനെ കൊലപ്പെടുത്തിയ ശേഷം വീടിന്റെ തറ തുരന്ന് കുഴിച്ചിടുകയും പിന്നീട് കോണ്‍ക്രീറ്റ് ചെയ്ത് മൂടുകയുമായിരുന്നെന്ന് പൊലീസ് പറഞ്ഞു. സെപ്റ്റംബര്‍ 26-ാം തീയതി മുതലാണ് ആലപ്പുഴ സ്വദേശി ബിന്ദുകുമാറിനെ കാണാതായത്.