കൊച്ചി: കൊച്ചി തീരത്ത് പുറംകടലില്‍ വന്‍ ലഹരിമരുന്നുവേട്ട. 200 കിലോ ഹെറോയിനുമായി ഇറാനിയന്‍ ഉരു പിടികൂടി. നാര്‍ക്കോടിക് ബ്യൂറോയ്ക്ക് ലഭിച്ച രഹസ്യ വിവരത്തിന്റെ അടിസ്ഥാനത്തില്‍ നാവികസേനയും നാര്‍ക്കോട്ടിക് കണ്‍ട്രോള്‍ ബ്യൂറോയും നടത്തിയ പരിശോധനയിലാണ് ലഹരി പിടികൂടിയത്.

ബോട്ടിലുണ്ടായിരുന്ന ആറ് പേരെ എന്‍.സി.ബി കസ്റ്റഡിയിലെടുത്തു. ഇറാന്‍, പാക് പൗരന്മാരാണ് ബോട്ടിലുണ്ടായിരുന്നത്. ഇവരെ മട്ടാഞ്ചേരി വാര്‍ഫില്‍ എത്തിച്ചു.