പാണക്കാട് ബഷീറലി ശിഹാബ് തങ്ങള്‍ സഞ്ചരിച്ച കാര്‍ അപകടത്തില്‍പ്പെട്ടു

കോഴിക്കോട്: പാണക്കാട് ബഷീറലി ശിഹാബ് തങ്ങള്‍ സഞ്ചരിച്ച കാര്‍ ബാലുശ്ശേരിയില്‍ വെച്ച് അപകടത്തില്‍പ്പെട്ടു. ബാലുശ്ശേരി പുത്തൂര്‍വെട്ടത്ത് വെച്ചാണ് അപകടം. തങ്ങള്‍ സഞ്ചരിച്ച ഇന്നോവ കാര്‍ നിയന്ത്രണം വിട്ട് വൈദ്യുതി പോസ്റ്റിലിടിക്കുകയായിരുന്നു.

സംഭവത്തെ തുടര്‍ന്ന് ബഷീറലി തങ്ങളെ മൊടക്കല്ലൂര്‍ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചെങ്കിലും കാര്യമായ പരിക്കുകളില്ല. പ്രാഥമിക ചികിത്സക്ക് ഡിസ്ചാര്‍ജ് ചെയ്തിട്ടുണ്ട്. അതേസമയം നായ റോഡിന് കുറുകെ ചിടിയതാണ് അപകട കാരണം. ഡ്രൈവറുടെ നിയന്ത്രണം വിട്ട വണ്ടി വൈദ്യുതിക്കാലില്‍ ഇടിക്കുകയായിരുന്നു.