ന്യൂഡല്‍ഹി: 9,000ല്‍ കൂടുല്‍ ആളുകള്‍ വോട്ട് ചെയ്ത ഒരു തെരഞ്ഞെടുപ്പില്‍ ഒരു സ്ഥാനാര്‍ഥി 1,000 വോട്ട് നേടുന്നത് വലിയ കാര്യമല്ലെന്ന് കൊടിക്കുന്നില്‍ സുരേഷ്. കോണ്‍ഗ്രസ് പ്രസിഡന്റ് തെരഞ്ഞെടുപ്പില്‍ ശശി തരൂരിന്റെ പ്രകടനത്തെ കുറിച്ച് ചോദിച്ചപ്പോഴായിരുന്നു അദ്ദേഹത്തിന്റെ പ്രതികരണം.

മല്ലികാര്‍ജുന്‍ ഖാര്‍ഗെ 8,000 വോട്ടുകള്‍ നേടുമെന്നാണ് പ്രതീക്ഷിച്ചിരുന്നത്. എന്നാല്‍ അസാധുവായ വോട്ടുകളില്‍ ഭൂരിപക്ഷവും ഖാര്‍ഗെക്ക് ലഭിക്കേണ്ട വോട്ടുകളായിരുന്നു. എങ്കിലും മികച്ച വിജയമാണ് നേടാനായതെന്നും അദ്ദേഹം പറഞ്ഞു.

പാര്‍ട്ടിയില്‍ ശശി തരൂര്‍ ഏതെങ്കിലും ആശയങ്ങള്‍ പ്രത്യേകമായി മുന്നോട്ടുവെച്ചതായി കരുതാനാവില്ല. ഖാര്‍ഗെയുടെ നേതൃത്വത്തില്‍ പാര്‍ട്ടി ഒറ്റക്കെട്ടായി മുന്നോട്ടു പോകും. തരൂരിന് ഒരു സംസ്ഥാനത്തും വലിയ തോതില്‍ വോട്ട് നേടാന്‍ കഴിഞ്ഞിട്ടില്ലെന്നും കൊടിക്കുന്നില്‍ പറഞ്ഞു.