കോട്ടയം • 23ാമത് സംസ്ഥാന സ്പെഷല്‍ സ്‌കൂള്‍ കലോത്സവത്തിന്റെ രണ്ടാംദിനം മത്സരങ്ങള്‍ അവസാനിക്കുമ്പോള്‍ തൃശൂര്‍ ജില്ല 430 പോയിന്റുമായി ഒന്നാം സ്ഥാനത്ത് തുടരുന്നു.
426 പോയിന്റുമായി കോട്ടയം രണ്ടാംസ്ഥാനത്തും 401 പോയിന്റുമായി മലപ്പുറം മൂന്നാം സ്ഥാനത്തുമാണ്. ശ്രവണ പരിമിതികള്‍ ഉള്ളവരുടെ വിഭാഗത്തില്‍ നടന്ന മത്സരങ്ങളില്‍ പത്തനംതിട്ട സി.എസ്.ഐ എച്ച്.എസ്.എസ് മണക്കാല 40 പോയിന്റുമായി ഒന്നാം സ്ഥാനത്തും തിരുവനന്തപുരം വി.എച്ച്.എസ്.എസ് ജഗത് 34 ഉം വയനാട് സെന്റ് റോസേലിയസ് സ്‌കൂള്‍ 33ഉം പോയിന്റുകൾ നേടി യഥാക്രമം രണ്ടും മൂന്നും സ്ഥാനത്ത് എത്തി.
കാഴ്ച പരിമിതികള്‍ ഉള്ളവരുടെ വിഭാഗങ്ങളില്‍ നടന്ന മത്സരങ്ങളില്‍ 61 പോയിന്റുമായി ഗവ. അന്ധവിദ്യാലയം ഒന്നാം സ്ഥാനത്തെത്തി.
കോഴിക്കോട് ഹയര്‍സെക്കന്‍ഡറി സ്‌കൂള്‍ കോലത്തറ 50 പോയിന്റുമായി രണ്ടാം സ്ഥാനത്തും തൃശൂര്‍ ജി.എം.ജി. ഇ.എം അന്ധവിദ്യാലയം 48 പോയിന്റുമായി മൂന്നാം സ്ഥാനത്തും എത്തി.
മെന്റലി ചലഞ്ച്ഡ് വിഭാഗത്തില്‍ നടന്ന മത്സരങ്ങളില്‍ തൃശൂര്‍ 71 പോയിന്റുമായി ഒന്നാം സ്ഥാനം നേടി. കലോത്സവത്തിന് ഇന്ന് തിരശീല വീഴും.