കുവൈത്ത്‌ സിറ്റി:കുവൈത്ത്‌ കെഎംസിസി കൊടുവള്ളി മണ്ഡലം കമ്മിറ്റിയുടെ നേതൃത്വത്തിൽ വൃക്ക രോഗ ചികിത്സാ ധന സഹായം നൽകി . കൊട്ടക്കാവയൽ മുസ്ലീം ലീഗ് ഓഫീസിൽ വെച്ച് നടന്ന ചടങ്ങിൽ
ജില്ലാ മുസ്ലിംലീഗ് പ്രസിഡന്റ് എം എ റസാഖ് മാസ്റ്ററിൽ നിന്ന് വാർഡ് മുസ്ലിം ലീഗ് പ്രസിഡന്റ് അബൂബക്കർ മാസ്റ്റർ ഏറ്റുവാങ്ങി . ആതുര സേവന രംഗത്തും അശരണർക് അത്താണിയായും പ്രവർത്തിക്കുന്ന കുവൈത്ത് കെഎംസിസി യുടെ പ്രവർത്തനങ്ങളെ അദ്ദേഹം പ്രത്യേകം അഭിനന്ദിച്ചു. ഈയിടെ മരണപെട്ട മടവൂർ ഗ്രാമ പഞ്ചായത്ത് മെമ്പർ ജുറൈജ് അനുസ്മരണവും പ്രാർത്ഥനാ ചടങ്ങും ഒപ്പം നടന്നു. ചടങ്ങിൽ വാർഡ് മുസ്ലീം ലീഗ് പ്രസിഡണ്ട് അബൂബക്കർ മാസ്റ്റർ അധ്യക്ഷൻ ആയിരുന്നു. എസ് ടി യു ജില്ലാ സെക്രട്ടറി പി സി മുഹമ്മദ്, മുസ്ലിം ലീഗ് പഞ്ചായത്ത് സെക്രട്ടറി കെ കെ നാസർ,വാർഡ് മുസ്ലിംലീഗ് ട്രഷറർ നാസർ കോട്ടക്കൽ,കുവൈത്ത് കെ എംസിസി മെഡിക്കൽ വിംഗ് ജനറൽ കൺവീനർ ഡോ: അബ്ദുൽ ഹമീദ് കൊടുവള്ളി , കെഎംസിസി കൊടുവള്ളി മണ്ഡലം ഭാരവാഹികളായ
ശിഹാബ് തങ്ങൾ കൊടുവള്ളി ,സുബൈർ പുല്ലാളൂർ,ഷാഫി പുല്ലാളൂർ,ഫൈസൽ ലാല,സിദ്ദീഖ് വാവാട്,നജുമുദ്ധീൻ വാവാട്,നൗഫൽ കുടുക്കിൽ ,ശുക്കൂർ കൊട്ടക്കാവയൽ സംബന്ധിച്ചു.