കൊച്ചി: ഐ.എസ്.എല്ലില്‍ മുംബൈ സിറ്റിക്കെതിരായ മത്സരത്തില്‍ കേരള ബ്ലാസ്റ്റേഴ്‌സിന് തോല്‍വി. ആദ്യ പകുതിയില്‍ തന്നെ രണ്ടു ഗോളുകള്‍ക്കു മുന്നിട്ടിരുന്നു മുംബൈ. മെഹ്താബ് സിങ് (21), ഹോര്‍ഹെ ഡയസ് പെരേര (31) എന്നിവരാണു ഗോളുകള്‍ നേടിയത്.

കേരള ബ്ലാസ്റ്റേഴ്‌സ് ആക്രമണങ്ങള്‍ അഡ്രിയാന്‍ ലൂണ, രാഹുല്‍ കെ.പി, ഡയമെന്റകോസ് എന്നിവരുടെ ഒറ്റയാള്‍ പോരാട്ടങ്ങളിലൊതുങ്ങി. രണ്ടു ഗോള്‍ വീണതോടെ ബ്ലാസ്റ്റേഴ്‌സ് മറുപടിക്കായി പരിശ്രമിച്ചെങ്കിലും സാധിച്ചില്ല.

ആകെ നാലു മത്സരങ്ങള്‍ കളിച്ച ബ്ലാസ്‌റ്റേഴ്‌സ് ആദ്യ മത്സരത്തില്‍ ഈസ്റ്റ് ബംഗാളിനെതിരെ 3-1ന് ജയിച്ച ശേഷം കളി മറന്ന മട്ടാണ്. മോഹന്‍ ബഗാനോട് 52നും ഒഡീഷയോട് 21നും ടീം തുടര്‍ തോല്‍വികള്‍ ഏറ്റുവാങ്ങിയ ശേഷമാണ് ഇപ്പോള്‍ മുംബൈയോടും പരാജയപ്പെട്ടത്.