ന്യൂഡല്‍ഹി: മൂന്നു ദിവസത്തെ സിപിഎം കേന്ദ്ര കമ്മിറ്റി യോഗം ഇന്ന് ആരംഭിക്കും. ഡല്‍ഹിയില്‍ ചേരുന്ന യോഗം കേരളത്തിലെ ഗവര്‍ണറുടെ ഇടപെടലും മന്ത്രിമാര്‍ക്കും വിസിമാര്‍ക്കുമെതിരായ നീക്കവും ചര്‍ച്ച ചെയ്യും.
ഹിമാചല്‍ പ്രദേശ്, ഗുജറാത്ത് തെരഞ്ഞെടുപ്പുകള്‍, നിലവിലെ രാഷ്ട്രീയ സാഹചര്യം, തൊഴിലാളി സംഘടന റിപ്പോര്‍ട്ട് എന്നിവയും കേന്ദ്ര കമ്മിറ്റി അവലോകനം ചെയ്യും. അന്തരിച്ച കോടിയേരി ബാലകൃഷ്ണന് പകരം സംസ്ഥാന സെക്രട്ടറി എം.വി ഗോവിന്ദനെ പോളിറ്റ് ബ്യൂറോയിലേക്ക് എടുക്കുന്ന കാര്യം യോഗം പരിഗണിച്ചേക്കും.