എ.കെ അ​നി​ൽ​കു​മാ​ർ

തി​ര​സ്‌​ക​ര​ണ​ത്തി​ന്റെ മ​ണം

ഒ​രി​ക്ക​ൽ നി​ന്റെ ക​വി​ത​യും ആ​ഴ്ച​പ്പ​തി​പ്പി​ൽ അ​ച്ച​ടി​ച്ചു വ​രു​മെ​ന്ന് പ​റ​ഞ്ഞ​ത് ഫാ​ദ​റാ​യി​രു​ന്നു.
ഫാ​ദ​റി​ന്റെ ശ​രി​ക്കു​ള്ള പേ​ര് എ​ന്താ​ണെ​ന്ന് അ​ന്നും ഇ​ന്നും അ​റി​യി​ല്ല.ഫാ​ദ​റി​നെ കാ​ണാ​ൻ പോ​കു​മ്പോ​ഴൊ​ക്കെ കൈ​യി​ൽ ആ​ഴ്ച​പ്പ​തി​പ്പ് ചു​രു​ട്ടി​പ്പി​ടി​ച്ചി​ട്ടു​ണ്ടാ​വു​മാ​യി​രു​ന്നു.
ഒ​രി​ക്ക​ലും അ​ച്ച​ടി​ച്ചു വ​രാ​ത്ത ക​വി​ത​യു​ടെ മ​ണം ആ​ഴ്ച​പ്പ​തി​പ്പി​ന്റെ ഏ​തോ താ​ളി​ൽ ഉ​റ​ക്ക​മ​റ്റു കി​ട​പ്പു​ണ്ടാ​യി​രു​ന്നു. ഏ​തോ രാ​വി​ന്റെ മ​റ​വി​ൽ എ​ന്നെ​യാ​ദ്യം തൊ​ടു​മ്പോ​ൾ ഫാ​ദ​റി​ന് കി​ട്ടി​യ​ത് ഇ​തേ മ​ണ​മാ​ണെ​ന്ന് ഫാ​ദ​റെ​പ്പോ​ഴും ഓ​ർ​ത്തെ​ടു​ക്കാ​റു​ണ്ട്. ഉ​റ്റ​വ​രു​ടെ​യും ഉ​ട​യ​വ​രു​ടെ​യും തി​ര​സ്‌​ക​ര​ണ​ത്തി​ന്റെ മ​ണം !
തി​ര​സ്‌​ക​ര​ണ​ത്തി​ന്റെ മ​ണ​ത്തി​ന് ഇ​ത്ര​യേ​റെ ആ​സ്വാ​ദ്യ​ത ഉ​ണ്ടെ​ന്ന​റി​ഞ്ഞ​ത് പു​തി​യ പു​തി​യ മു​ഖ​ങ്ങ​ൾ ഫാ​ദ​റി​ന്റെ കൈ​ക​ളി​ലേ​ക്കും ആ​ഴ്ച​പ്പ​തി​പ്പി​ന്റെ താ​ളു​ക​ളി​ലേ​ക്കും എ​ത്തി​ക്കൊ​ണ്ടി​രു​ന്ന​പ്പോ​ഴാ​ണ്.
ഇ​പ്പോ​ൾ ഫാ​ദ​ർ കി​ട​പ്പി​ലാ​ണ്. എ​ന്നാ​ലും എ​ന്റെ കാ​ൽ​പ്പെ​രു​മാ​റ്റം കേ​ട്ടാ​ൽ ത​ല ചെ​രി​ച്ച് നോ​ക്കും. എ​ന്റെ കൈ​പ്പ​ടം പി​ടി​ച്ച് മ​ണ​ത്തു​നോ​ക്കും. മ​റു​കൈ​യി​ൽ ചു​രു​ട്ടി​പ്പി​ടി​ച്ച ആ​ഴ്ച​പ്പ​തി​പ്പി​ൽ ഞാ​നും മ​ണ​ത്തു​നോ​ക്കും.​ തി​ര​സ്‌​ക​ര​ണ​ത്തി​ന്റെ മ​ണ​ത്തി​ന് സ്വാ​ദ് കൂ​ടി​ക്കൊ​ണ്ടേ​യി​രി​ക്കു​ന്നു, എ​പ്പോ​ഴും.

ക​ട്ടെ​ടു​ത്ത ക​വി​ത

വൈ​കു​ന്നേ​ര​ത്ത് ക​ട​ൽ​ക്ക​ര​യി​ൽ കാ​റ്റു​കൊ​ണ്ടി​രി​ക്കു​മ്പോ​ഴാ​ണ് ഒ​രു തി​ര വ​ന്ന് കാ​ലി​ലൊ​രു ക​വി​ത​യെ​ഴു​തി​യ​ത്.
ക​വി​ത​യി​ലാ​കെ ക​ട​ലാ​ഴ​ത്തി​ന്റെ ദീ​ർ​ഘ മൗ​നം. ക​ട​ൽ​ക്കി​ത​പ്പു​ക​ൾ ഉ​ള്ളി​ലാ​വാ​ഹി​ച്ച ശം​ഖി​ന്റെ മു​ന​തേ​ഞ്ഞ നൊ​മ്പ​രം വി​ര​ലു​ക​ൾ​ക്കി​ട​യി​ൽ വ​രി​ക​ളാ​യി പ​റ്റി​പ്പി​ടി​ച്ചു. മാ​യ്ച്ചാ​ലും മാ​യാ​ത്ത അ​ക്ഷ​ര​ങ്ങ​ൾ ഉ​ള്ളി​ൽ​പ്പേ​റി മ​ണ​ൽ​ത്ത​രി​ക​ളു​ടെ ചി​ല്ല​ട​യാ​ള​ങ്ങ​ൾ.
പു​തി​യൊ​രു ക​വി​ത​യു​മാ​യി അ​ടു​ത്തൊ​രു തി​ര വ​ന്ന നേ​രം പ​ഴ​യ വ​രി​ക​ൾ ഉ​ള്ളം​കാ​ലി​ലൊ​ന്നു വി​ര​ലോ​ടി​ച്ച് തി​രി​ഞ്ഞൊ​ന്നു നോ​ക്കാ​തെ പു​ത്ത​ൻ ഞ​ണ്ടി​ൻ മാ​ള​ങ്ങ​ളി​ലൊ​ളി​ച്ചു. വെ​യി​ൽ താ​ണ ക​ട​ല​റ്റ​ങ്ങ​ളി​ൽ ഒ​രാ​യി​രം പു​തു ക​വി​ത​ക​ൾ ചു​വ​ന്നു തു​ടു​ത്തു.
ക​ട​ലു​പേ​ക്ഷി​ച്ച് തി​രി​കെ കൂ​ടാ​ര​മ​ണ​യു​ന്ന നേ​രം അ​ന്ധ​കാ​ര​പ്പു​ത​പ്പി​നുള്ളി​ലെ കാ​ൽ ശി​ഖ​ര​ങ്ങ​ളി​ലൊ​രു വി​ങ്ങ​ൽ. പാ​തി​രാ​ക്കി​ളി​യു​ടെ കു​റു​ക​ൽ.
അ​വ​സാ​ന തി​ര​യി​ൽ നി​ന്ന് ക​ട്ടെ​ടു​ത്ത ക​വി​ത​യു​ടെ ദീ​ർ​ഘ നി​ശ്വാ​സ​ത്തി​ൽ ചു​ട്ടു​പൊ​ള്ളു​ന്ന കാ​ൽ​വി​ര​ൽ മി​ടി​പ്പു​ക​ൾ ഏ​തോ തി​ര​യൊ​ച്ച​ക​ൾ​ക്കാ​യി ഉ​റ​ങ്ങാ​തെ കാ​തോ​ർ​ത്തു കി​ട​ക്കു​ക​യാ​യി​രു​ന്നു അ​പ്പോ​ൾ.