ന്യുഡല്‍ഹി: പുതിയ അധികാര പ്രതിസന്ധിക്കുശേഷം അഫ്ഗാനിലേക്ക് പ്രത്യേക വിമാനങ്ങള്‍ക്ക് അനുമതി വേണമെന്ന് ഇന്ത്യ. ഇക്കാര്യം വിദേശകാര്യമന്ത്രി എസ്.ജയശങ്കര്‍ അമേരിക്കന്‍ വിദേശകാര്യ സെക്രട്ടറിയുമായി സംസാരിച്ചു. അഫ്ഗാനിസ്ഥാനില്‍ നിന്ന് 400 പേരെക്കൂടി ഒഴിപ്പിക്കാനുള്ള സാഹചര്യത്തില്‍ കൂടിയാണ് ഇന്ത്യയുടെ ആവശ്യം. അഫ്ഗാനില്‍ കുടുങ്ങിയ 170 പേരെയാണ് ഇതുവരെ ഒഴിപ്പിച്ചത്. അംബാസഡര്‍ ഉള്‍പ്പടെയുള്ളവരെ വിമാനത്താവളത്തിലേക്ക് പോകുന്നതിനിടെ താലിബാന്‍ തടഞ്ഞിരുന്നു.
അതേ സമയം വിമാനത്താവളത്തിന് പുറത്ത് ഇപ്പോള്‍ നിയന്ത്രണമില്ലെന്നാണ് അമേരിക്ക അറിയിച്ചിരിക്കുന്നത്.