തിരുവനന്തപുരം: ഡി.സി.സി പട്ടികയെച്ചൊല്ലി കോണ്‍ഗ്രസില്‍ തര്‍ക്കം. കോണ്‍ഗ്രസ് നേതാവ് കൊടിക്കുന്നില്‍ സുരേഷിനെതിരെ കൊല്ലത്ത് പോസ്റ്റര്‍ പ്രതിഷേധം.കൊല്ലത്തെ പുതിയ ഡിസിസി പ്രസിഡന്റായി രാജേന്ദ്രപ്രസാദിനെ നിര്‍ദ്ദേശിച്ച കൊടിക്കുന്നില്‍ സുരേഷിനെതിരെ രൂക്ഷ വിമര്‍ശനമാണ് പോസ്റ്ററിലുള്ളത്.

കോണ്‍ഗ്രസിന്റെ പേരില്‍ കൊടിക്കുന്നില്‍ സുരേഷ് തടിച്ചു കൊഴുത്തെന്നും പോസ്റ്ററില്‍. കൊടിക്കുന്നിലിന് ഡിസിസി പ്രസിഡന്റിനെ തീരുമാനിക്കാന്‍ എന്ത് അധികാരം. കൊടിക്കുന്നിലിന് പിരിക്കാന്‍ വേണ്ടിയുള്ളതല്ല ഡിസിസി പ്രസിഡന്റ് സ്ഥാനം എന്നും പോസ്റ്ററില്‍.കൊല്ലം ഡിസിസി പ്രസിഡന്റായി പരിഗണിക്കുന്ന രാജേന്ദ്ര പ്രസാദിനും പോസ്റ്ററില്‍ വിമര്‍ശനമുണ്ട്.

കോണ്‍ഗ്രസ് പുന സംഘടനയുമായി ബന്ധപ്പെട്ട് രമേശ് ചെന്നിത്തല ഇന്നലെ അതൃപ്തി അറിയിച്ചിരുന്നു. പട്ടികയിലെ പേരുകളിലല്ല തന്റെ അതൃപ്തി അദ്ദേഹം പറഞ്ഞു. ഒരുമയോടുള്ള ചര്‍ച്ചയുണ്ടായിരുന്നെങ്കില്‍ കൂടുതല്‍ മെച്ചപ്പെട്ട പട്ടിക ഉണ്ടാകുമായിരുന്നു. ഡിസിസി പ്രസിഡന്റുമാരെ രണ്ടുദിവസത്തിനുള്ളില്‍ പ്രഖ്യാപിക്കും. കെപിസിസി അധ്യക്ഷന്‍ കെ സുധാകരന്‍ നല്‍കിയ പട്ടികയ്ക്ക് എഐസിസി അംഗീകാരം നല്‍കിയതായാണ് റിപ്പോര്‍ട്ട്.