കോട്ടയം: പിക്കപ്പ് വാനിന്റെ പഞ്ചറായ ടയര്‍ മാറ്റുന്നതിനിടെ ജാക്കി തെന്നിമാറി വാഹനത്തിനടിയില്‍പ്പെട്ട് ഡ്രൈവര്‍ക്ക് ദാരുണാന്ത്യം. പൊന്‍കുന്നം കോയിപ്പള്ളി സ്വദേശി അഫ്സല്‍(24) ആണ് മരിച്ചത്.

കൊല്ലം-തേനി ദേശീയപാതയില്‍ പൊന്‍കുന്നം ശാന്തിപ്പടിയ്ക്ക് സമീപം ഇന്ന് രാവിലെയായിരുന്നു അപകടം. തമിഴ്‌നാട്ടില്‍ നിന്ന് പച്ചക്കറി കയറ്റിവരികയായിരുന്ന പിക്കപ്പ് വാനിന്റെ ടയര്‍ പഞ്ചറായതിനെ തുടര്‍ന്ന് ജാക്കി വെച്ച് ഉയര്‍ത്തി ടയര്‍ മാറ്റുന്നതിനിടെയാണ് ജാക്കി തെന്നിമാറി വാഹനം യുവാവിന്റെ മേല്‍ പതിക്കുകയായിരുന്നു.