'ഓപ്പറേഷന്‍ അജയ്' ആരംഭിച്ചു

ന്യൂഡല്‍ഹി: ഇസ്‌റാഈലില്‍ നിന്ന് ഇന്ത്യക്കാരെ കൊണ്ടുവരുന്നതിനായുള്ള രക്ഷാദൗത്യം 'ഓപ്പറേഷന്‍ അജയ്' ആരംഭിച്ചു. രക്ഷാദൗത്യത്തിലെ ആദ്യ വിമാനം ടെല്‍അവീവില്‍ നിന്ന് ഇന്ന് ഇന്ത്യയിലേക്ക് തിരിക്കും. 230 ഇന്ത്യക്കാരാണ് ആദ്യ വിമാനത്തില്‍ ഉണ്ടാവുക.

ആയിരത്തിലധികം വിദ്യാര്‍ഥികളുള്‍പ്പടെ 18000ത്തിലധികം ഇന്ത്യക്കാരാണ് ഇസ്‌റാഈലിലുള്ളതെന്നാണ് ഇസ്‌റാഈലിലെ ഇന്ത്യന്‍ എംബസി അറിയിക്കുന്നത്. ഇന്ന് രാത്രി 11 മണിയോടു കൂടി ടെല്‍അവീവ് എയര്‍പോര്‍ട്ടില്‍ നിന്നും പുറപ്പെടുന്ന വിമാനം നാളെ പുലര്‍ച്ചയോടു കൂടി ഡല്‍ഹിയിലെത്തും.

ഇസ്‌റാഈലില്‍ നിന്ന് മടങ്ങുന്ന മലയാളികള്‍ക്കായി ഡല്‍ഹി കേരള ഹൗസില്‍ 24 മണിക്കൂറും പ്രവര്‍ത്തിക്കുന്ന കണ്‍ട്രോള്‍ റൂം തുറന്നിട്ടുണ്ട്. 011 23747079 എന്ന നമ്പറില്‍ കണ്‍ട്രോള്‍ റുമുമായി ബന്ധപ്പെടാവുന്നതാണ്.