പാലക്കാട്: വയോധികയെ വീട്ടുകിണറ്റിനരികില്‍ മരിച്ചനിലയില്‍ കണ്ടെത്തി. മണ്ണാര്‍ക്കാട് കാഞ്ഞിരപ്പുഴ പാക്കാട്ട് വീട്ടില്‍ ശാരദ(77)യെ ആണ് മരിച്ചനിലയില്‍ കണ്ടെത്തിയത്. സംഭവത്തില്‍ ഭര്‍ത്താവ് ചേനക്കാട്ടില്‍ ബാലന്‍ നായരെ(70) പൊലിസ് കസ്റ്റഡിയിലെടുത്തു. നെറ്റിയില്‍ മുറിവേറ്റനിലയിലായിരുന്നു ഇയാളെ കണ്ടെത്തിയത്.

ഇവര്‍ക്കൊപ്പമുണ്ടായിരുന്ന മകനും കുടുംബവും ഓണത്തോനുബന്ധിച്ചു ശനിയാഴ്ച ബന്ധുവീട്ടില്‍ പോയിരിക്കുകയായിരുന്നു. ദമ്പതികള്‍ തമ്മില്‍ നേരത്തെ വഴക്കുണ്ടാകാറുള്ളതായി പൊലിസ് പറഞ്ഞു.

പ്രാഥമിക പരിശേ!ാധനയില്‍ വീട്ടമ്മയുടെ ദേഹത്ത് കാര്യമായ മുറിവുകളൊന്നും കണ്ടെത്താനായിട്ടില്ല. മണ്ണാര്‍ക്കാട് ഡിവൈഎസ്പി പി.എ.കൃഷ്ണദാസിന്റെ നേതൃത്വത്തിലാണ് പരിശോധന നടത്തിയത്.