ജിദ്ദ: സഊദിയില്‍ സന്ദര്‍ശകവിസയിലെത്തി ഭര്‍ത്താവിനൊപ്പം താമസിക്കുകയായിരുന്ന യുവതിയെ മരിച്ച നിലയില്‍ കണ്ടെത്തി. മഞ്ചേരി കാവനൂര്‍ സ്വദേശി പി.ടി ഫാസിലയെയാണ് (26) മരിച്ചത്. ഭര്‍ത്താവ് മലപ്പുറം പൂക്കളത്തൂര്‍ സ്വദേശി അന്‍വര്‍ ഉച്ചക്ക് താമസസ്ഥലത്തെത്തിയപ്പോഴാണ് രക്തം വാര്‍ന്ന നിലയില്‍ ഫാസിലയെ കണ്ടെത്തിയത്. ജീവന്‍ രക്ഷിക്കാന്‍ ശ്രമംനടത്തിയെങ്കിലും മരണം സംഭവിക്കുകയായിരുന്നു.

ഇവരുടെ ബന്ധുക്കളും നാട്ടുകാരും സംഭവസ്ഥലത്ത് എത്തിയിട്ടുണ്ട്. പൊലിസും ഫോറന്‍സിക് വിദഗ്ധരും അന്വേഷണം ആരംഭിച്ചു. രണ്ടര വയസ്സായ മകളുണ്ട്. അബൂബക്കറാണ് ഫാസിലയുടെ പിതാവ്. മാതാവ്: സാജിദ. നടപടിക്രമങ്ങള്‍ പൂര്‍ത്തിയാക്കുന്നതിന് ജിദ്ദ കെ.എം.സി.സി രംഗത്തുണ്ട്.