തിരുവനന്തപുരം: കലാമണ്ഡലം ഡീംഡ് യൂണിവേഴ്‌സിറ്റി ചാന്‍സലര്‍ പദവിയില്‍ നിന്ന് ഗവര്‍ണറെ ഒഴിവാക്കും. ഇതിനായി സാംസ്‌കാരിക വകുപ്പ് ഉത്തരവിറക്കി. 13 സര്‍വകലാശാലകളുടെ ചാന്‍സലര്‍ പദവി നീക്കാനുളള നടപടിയുടെ തുടര്‍ച്ചയായിട്ടാണ് തീരുമാനം.

ഗവര്‍ണറെ ചാന്‍സലര്‍ സ്ഥാനത്ത് നിന്ന് മാറ്റാന്‍ ചട്ടത്തില്‍ ഭേദഗതി വരുത്തുകയായിരുന്നു. ചാന്‍സലറായി കലാ സാംസ്‌കാരിക രംഗത്തെ വിദഗ്ധര്‍ വേണമെന്ന മാറ്റമാണ് വരുത്തിയത്. കേരളത്തിലെ പതിനാല് സര്‍വകലാശാലകളിലെയും ചാന്‍സലര്‍ പദവിയില്‍ നിന്ന് ഗവര്‍ണറെ പുറത്താക്കാനുള്ള ഓര്‍ഡിനന്‍സ് മന്ത്രിസഭ യോഗം കഴിഞ്ഞ ദിവസം പുറത്തിറക്കിയിരുന്നു.