ദുബൈ: യു.എ.ഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിന്‍ റാശിദ് അല്‍ മക്തൂം ദേശീയ വിനോദ സഞ്ചാര നയം പ്രഖ്യാപിച്ചു. 2031ഓടെ ദുബൈയില്‍ നാലുകോടി ഹോട്ടല്‍ അതിഥികളെ എത്തിക്കുക എന്നതാണ് ലക്ഷ്യം. ഈ മേഖലയില്‍ 100 ശതകോടി ദിര്‍ഹമിന്റെ നിക്ഷേപം ആകര്‍ഷിക്കുമെന്നും അദ്ദേഹം അറിയിച്ചു. മന്ത്രിമാരുടെയും മുതിര്‍ന്ന ഉദ്യോഗസ്ഥരുടെയും യോഗത്തിലാണ് അദ്ദേഹം പുതിയ നയം പ്രഖ്യാപിച്ചത്. ലോകത്തിലെ ഏറ്റവും മികച്ച 10 വിനോദസഞ്ചാര കേന്ദ്രങ്ങളിലൊന്നാണ് യു.എ.ഇയെന്നും മത്സരശേഷി വര്‍ധിപ്പിക്കാനാണ് ലക്ഷ്യമെന്നും ശൈഖ് മുഹമ്മദ് പറഞ്ഞു.