പത്തനംതിട്ട: ളാഹയില്‍ ശബരിമല തീര്‍ഥാടകര്‍ സഞ്ചരിച്ച വാഹനം മറിഞ്ഞ് നിരവധി പേര്‍ക്ക് പരുക്ക്. ആന്ധ്രയില്‍ നിന്നുള്ള തീര്‍ഥാടകരാണ് അപകടത്തില്‍പെട്ടത്.

44 പേരാണ് ബസില്‍ ഉണ്ടായിരുന്നത്. ഒരു കുട്ടിയടക്കം മൂന്നുപേരുടെ നില ഗുരുതരമാണ്. ഇവരെ ആശുപത്രിയില്‍ പ്രവേശിപ്പിച്ചിരിക്കുകയാണ്. ബസിനടിയില്‍ കുടുങ്ങിയ മൂന്നുപേരെ ഏറെ നേരത്തെ ശ്രമത്തിനു ശേഷമാണ് രക്ഷപ്പെടുത്തിയത്. ആരോഗ്യമന്ത്രി വീണാ ജോര്‍ജ് അപടകസ്ഥലത്തെത്തി.