കൊച്ചി: പ്ലസ് വണ്‍ വിദ്യാര്‍ഥിനിക്ക് നേരെ ലൈംഗികാതിക്രമം നടത്തിയെന്ന പരാതിയില്‍ അധ്യാപകനെതിരെ പോക്‌സോ പ്രകാരം കേസ്. പട്ടിമറ്റം സ്വദേശിയായ കിരണിനെതിരെയാണ് തൃപ്പൂണിത്തുറ പൊലിസ് കേസ് രജിസ്റ്റര്‍ ചെയ്തത്.

കലോത്സവം കഴിഞ്ഞ് മടങ്ങുന്നതിനിടെ വാഹനത്തില്‍വെച്ച് അധ്യാപകന്‍ ലൈംഗികാതിക്രമം നടത്തിയെന്നാണ് വിദ്യാര്‍ഥിനിയുടെ പരാതി. സംഭവദിവസം കൊച്ചിയില്‍ സ്വകാര്യ ബസ് സമരമായതിനാല്‍ അധ്യാപകനൊപ്പമാണ് പെണ്‍കുട്ടി കലോത്സവത്തില്‍ പങ്കെടുക്കാന്‍ പോയത്.

കിരണ്‍ ഇപ്പോള്‍ ഒളിവിലാണെന്നും ഇയാള്‍ക്കെതിരെ തെരച്ചില്‍ ആരംഭിച്ചതായും പൊലിസ് അറിയിച്ചു.