ദോഹ: ലോകകപ്പില്‍ ഗോള്‍ രഹിത മത്സരമായി മെക്‌സിക്കോ- പോളണ്ട് മത്സരവും. ആക്രമണവും പ്രത്യാക്രമണവും ഗോളിമാരുടെ മികവും കണ്ട മത്സരത്തില്‍ 90 മിനുറ്റുകളിലും ഏഴ് മിനുറ്റ് അധികസമയത്തും ഇരു ടീമിനും ലക്ഷ്യം കാണാനായില്ല. പോളണ്ടിന് ലഭിച്ച പെനാല്‍റ്റി മുതലെടുക്കാന്‍ ലെവന്‍ഡോസ്‌കിക്കായില്ല.

ഗില്ലര്‍മോ ഒച്ചാവാ എന്ന മെക്‌സിക്കന്‍ തിരമാലയ്ക്ക് മുന്നില്‍ റോബര്‍ട്ട് ലെവന്‍ഡോവ്‌സ്‌കി പെനാല്‍റ്റി അടിയറവുപറഞ്ഞു. മെക്‌സിക്കോ 4-3-3 ശൈലിയിലും പോളണ്ട് 4-5-1 ഫോര്‍മേഷനിലുമാണ് കളത്തിലിറങ്ങിയത്.

ഇരു ടീമും ശക്തമായ പോരാട്ടമാണ് മൈതാനത്ത് അഴിട്ടുവിട്ടത്. അതുപോലെ കടുത്തതായി പ്രതിരോധവും. ഏഴ് മിനുറ്റ് അധികസമയത്ത് പോളിഷ് താരങ്ങള്‍ കുതിക്കാന്‍ ശ്രമിച്ചപ്പോഴും ഫലമുണ്ടായില്ല.