ദോഹ: ഗ്രീന്‍ ഫാല്‍ക്കന്‍സിന്റെ മിന്നുന്ന പ്രകടനംകണ്ട് കോരിത്തരിച്ച് അര്‍ജന്റീന ആരാധകരും. മല്‍സരം അവസാനിക്കുന്നതിനു തൊട്ടുമുമ്പായി ലുസൈല്‍ സ്റ്റേഡിയത്തില്‍ വച്ച് അര്‍ജന്റീനയുടെ വിഖ്യാതമായ ജഴ്‌സി മാറ്റി സഊദിയുടെ കുപ്പായമണിയുന്ന അര്‍ജന്റീന ആരാധകന്റെ വിഡിയോ സമൂഹ മാധ്യമങ്ങളില്‍ ശ്രദ്ധപിടിച്ചുപറ്റി. വിഡിയോ ഒരു മണിക്കൂറിനുള്ളില്‍ 10 ലക്ഷത്തിലധികം വ്യൂസ് നേടി. ഇതിനകം 46 ലക്ഷം പേരാണ് വിഡിയോ കണ്ടത്.

pic.twitter.com/xACQx92Zj6

— Out Of Context Football (@nocontextfooty) November 22, 2022

ലയണല്‍ മെസ്സിയുടെ ആരാധകര്‍ സ്റ്റേഡിയത്തില്‍ നിന്ന് ഇറങ്ങിപ്പോകുന്നത് കണ്ടപ്പോഴാണ് കുപ്പായം മാറ്റി അണിഞ്ഞത്. 36 മല്‍സരങ്ങളില്‍ തോല്‍വി അറിയാതെ മുന്നേറിയിരുന്ന അര്‍ജന്റീനയുടെ അപരാജിത കുതിപ്പിന് സൗദി കടിഞ്ഞാണിടുകയായിരുന്നു. ശക്തരായ മെക്‌സിക്കോയും പോളണ്ടുമാണ് ഇനി ഗ്രൂപ്പില്‍ കാത്തിരിക്കുന്നത് എന്നതിനാല്‍ ആശങ്കയിലാണ് അര്‍ജന്റീനയും ആരാധരും.