ന്യൂഡല്‍ഹി: മലബാര്‍ പര്യടനം നടത്തിയ ശശി തരൂരിന്റെ നീക്കം പാര്‍ട്ടി വിരുദ്ധമെന്ന് കരുതുന്നില്ലെന്ന് കേരളത്തിന്റെ ചുമതലയുള്ള എ.ഐ.സി.സി ജനറല്‍ സെക്രട്ടറി താരിഖ് അന്‍വര്‍. ചെറിയ വിഷയമാണ് നിലവിലുള്ളതെന്നും അദ്ദേഹം പറഞ്ഞു.

തരൂരിനെതിരെ ഇതുവരെ പരാതിയൊന്നും കിട്ടിയിട്ടില്ല. കെ.പി.സി.സി തന്നെ പ്രശ്‌നം പരിഹരിക്കെട്ടെ. എ.ഐ.സി.സി അടിയന്തരമായി ഇടപെടേണ്ട സാഹചര്യമില്ലെന്നും താരിഖ് അന്‍വര്‍ കൂട്ടിച്ചേര്‍ത്തു.

താരിഖ് അന്‍വര്‍ സംസ്ഥാനത്തെത്തി നേതാക്കളെ കാണും. മറ്റന്നാളാണ് അദ്ദേഹം കേരളത്തിലേക്കെത്തുന്നത്. കോഴിക്കോട് വച്ച് കോണ്‍ഗ്രസ് നേതാക്കളുമായി കൂടിക്കാഴ്ച്ച നടത്തുമെന്നാണ് വിവരം.