ലണ്ടന്‍ : ക്യാപ്റ്റന്‍ ജോ റൂട്ടും പവലിയന്‍ കയറിയതോടെ ഓവല്‍ ടെസ്റ്റില്‍ ഇന്ത്യ ജയത്തിനരികിലേക്ക് . വിക്കറ്റൊന്നും നഷ്ടപ്പെടാതെ 77 റണ്‍സെന്ന നിലയില്‍ അഞ്ചാം ദിനം ബാറ്റിംഗ് പുനരാരംഭിച്ച ഇംഗ്ലണ്ട് ബാറ്റ്‌സ്മാന്‍മാരായ പേസര്‍മാരായ ജസ്പ്രീത് ബുമ്രയുടെയും ശര്‍ദുല്‍ ഠാക്കൂറിന്റെയും സ്പിന്നര്‍ രവീന്ദ്ര ജഡേജയുടെയും കൃത്യതയായ ബൗളിംഗിന് മുന്നില്‍ ഇടറി വീഴുകയായിരുന്നു. ഇംഗ്ലണ്ടിന് വേണ്ടി ഓപ്പണര്‍മാരായ ഹസീബ് ഹമീദ് (63) റോറി ബേണ്‍സ് (50), ക്യാപ്റ്റന്‍ ജോ റൂട്ട് (36)എന്നിവര്‍ മാത്രമാണ് ഇന്ത്യന്‍ ബൗളിംഗിനെ പ്രതിരോധിച്ചത്. രണ്ടാം സെഷന്‍ പുരോഗമിക്കുമ്പോള്‍ ക്രെയിഗ് ഓവര്‍ടണ്ണും ഓലീ റോബിന്‍സണുമാണ് ക്രീസില്‍. 37 ഓവറുകള്‍ ഇനി ബാക്കിയുള്ളപ്പോള്‍ രണ്ട് വിക്കറ്റ് സംരക്ഷിച്ച് സമനിലയാക്കുകയെന്നത് ഇംഗ്ലീഷ് വാലറ്റത്തിന് വലിയ വെല്ലുവിളിയാകും. അഞ്ച് ടെസ്റ്റുകളുടെ പരമ്പരയില്‍ ഇരു ടീമുകളും ഓരോ ടെസ്റ്റ് വീതം ജയിച്ചു.ഒരു ടെസ്റ്റ് സമനിലയില്‍ അവസാനിക്കുകയായിരുന്നു.