പ്ലസ് ടു ഉള്ളവര്‍ക്ക് കേരളത്തില്‍ സര്‍ക്കാര്‍ ജോലി നേടാന്‍ അവസരം; കേരള പൊലിസ് പുതിയ വിജ്ഞാപനം വന്നു

പ്ലസ് ടു പൂര്‍ത്തിയാക്കിയ യുവാക്കള്‍ക്കും, യുവതികള്‍ക്കുമായി കേരള പി.എസ്.സിയുടെ പുതിയ വിജ്ഞാപനം. കേരള പൊലിസിലേക്ക് ഡ്രൈവര്‍ തസ്തികയിലേക്കാണ് ജോലിയൊഴിവുള്ളത്. കേരളത്തില്‍ ഒരു സ്ഥിര സര്‍ക്കാര്‍ ജോലി ആഗ്രഹിക്കുന്നവരാണ് നിങ്ങളെങ്കില്‍ തീര്‍ച്ചയായും ഈയവസരം നഷ്ടപ്പെടുത്തിക്കളയരുത്. താല്‍പര്യമുള്ള ഉദ്യോഗാര്‍ഥികള്‍ക്ക് കേരള പി.എസ്.സിയുടെ വെബ്‌സൈറ്റ് വഴി നവംബര്‍ 29 വരെ ഓണ്‍ലൈനായി അപേക്ഷിക്കാം.

പോസ്റ്റ്/ ഒഴിവ്
പൊലിസ് കോണ്‍സ്റ്റബിള്‍ ഡ്രൈവര്‍/ വനിതാ പൊലിസ് കോണ്‍സ്റ്റബിള്‍ ഡ്രൈവര്‍ എന്നീ തസ്തികകളിലേക്കാണ് പുതിയ വിജ്ഞാപനം. കാറ്റഗറി നമ്പര്‍: 416/2023. കേരളത്തിലുടനീളം പ്രതീക്ഷിക്കുന്ന ജോലിയൊഴിവുകളാണുള്ളത്.

പ്രായപരിധി
20 മുതല്‍ 28 വയസ് വരെ പ്രായമുള്ളവര്‍ക്ക് അപേക്ഷിക്കാം. ഉദ്യോഗാര്‍ഥികള്‍ 02-01-1995നും 01-01-2003നും ഇടയില്‍ ജനിച്ചവരായിരിക്കണം.

ഒ.ബി.സി വിഭാഗക്കാര്‍ക്ക് 31 വയസ് വരെയും, എസ്.സി/ എസ്.ടി വിഭാഗക്കാര്‍ക്ക് 33 വയസ് വരെയും, എക്‌സ് സര്‍വ്വീസ് മെന്‍- 41 വയസ് വരെയും പ്രായപരിധിയില്‍ ഇളവുകളുണ്ട്.

യോഗ്യത
പ്ലസ് ടു/ തത്തുല്യമായ യോഗ്യതയുള്ളവര്‍ക്ക് അപേക്ഷിക്കാം.
കൂടാതെ ലൈറ്റ് മോട്ടോര്‍ വെഹിക്കിള്‍, ഹെവി പാസഞ്ചര്‍ വെഹിക്കിള്‍, ഹെവി ഗുഡ്‌സ് വെഹിക്കിള്‍ എന്നിവക്ക് ലൈസന്‍സു, ബാഡ്ജും ഉണ്ടായിരിക്കണം.

ശമ്പളം
തെരഞ്ഞെടുക്കപ്പെടുന്നവര്‍ക്ക് 31,100 മുതല്‍ 66,800 രൂപ വരെയാണ് ശമ്പളം ലഭിക്കുക.

ഫിസിക്കല്‍ യോഗ്യത
പുരുഷന്‍മാര്‍ക്ക് 168 സെന്റീ മീറ്ററും, വനിതകള്‍ക്ക് 157 സെന്റീമീറ്ററും നീളം ഉണ്ടായിരിക്കണം.

പുരുഷന്‍മാര്‍ക്ക് 81 സെന്റീമീറ്റര്‍ നെഞ്ചളവും, 5 സെന്റീമീറ്റര്‍ എക്‌സ്പാന്‍ഷനും ഉണ്ടായിരിക്കണം.

എസ്.സി, എസ്.ടി വിഭാഗത്തിലെ പുരുഷന്‍മാര്‍ക്ക് 161 സെന്റീമീറ്റര്‍ നീളവും, 76 സെന്റീമീറ്റര്‍ നെഞ്ചളവും ഉണ്ടായാല്‍ മതി. ഈ വിഭാഗത്തിലെ സ്ത്രീകള്‍ക്ക് 151 സെന്റീ മീറ്ററാണ് വേണ്ടത്.

ഫിസിക്കല്‍ എഫിഷ്യന്‍സി ടെസ്റ്റ്

പുരുഷന്‍
താഴെ പറയുന്ന എട്ടിനങ്ങളില്‍ അഞ്ചെണ്ണമെങ്കിലും പാസായിരിക്കണം.

• 100 മീറ്റര്‍ ഓട്ടം - 15 സെക്കന്റ്‌സ്
• ഹൈ ജമ്പ് - 120 സെ.മീ
• ലോങ് ജമ്പ് - 350 സെ.മീ
• ഷോട്ട് പുട്ട് - 600 സെ.മീ
• ക്രിക്കറ്റ് ബോള്‍ ത്രോ- 5000 സെ.മീ
• പുള്‍ അപ് - 8 എണ്ണം
• 1500 മീറ്റര്‍ ഓട്ടം - 6 മിനുട്ട്‌സ് 30 സെക്കന്റ്

വനിതകള്‍
ഏഴിനങ്ങളില്‍ അഞ്ചെണ്ണമെങ്കിലും പാസായിരിക്കണം.

• 100 മീറ്റര്‍ ഓട്ടം - 18 സെക്കന്റ്‌സ്
• ഹൈ ജമ്പ് - 90 സെ.മീ
• ലോങ് ജമ്പ് - 250 സെ.മീ
• ഷോട്ട് പുട്ട് - 450 സെ.മീ
• ത്രോ ബോള്‍ - 14 മീറ്റര്‍
• ഷട്ടില്‍ റേസ് - 26 സെക്കന്റ്‌സ്
• സ്‌കിപ്പിങ് - 80 ടൈംസ്

അപേക്ഷിക്കേണ്ട വിധം
താല്‍പര്യമുള്ള ഉദ്യോഗാര്‍ഥികള്‍ക്ക് കേരള പി.എസ്.സിയുടെ ഔദ്യോഗിക വെബ്‌സൈറ്റ് (thulasi.psc.kerala.gov.in) വഴി അപേക്ഷ സമര്‍പ്പിക്കാം.

വിദ്യാഭ്യാസ-കരിയര്‍ വാര്‍ത്തകള്‍ ഓണ്‍ലൈനില്‍ ലഭിക്കാന്‍ ഈ ഗ്രൂപ്പ് ജോയിന്‍ ചെയ്യുക
https://chat.whatsapp.com/FHMwGM3O0759bymv0j74Ht