HOME
DETAILS

സഊദിയെ രണ്ട് ഗോളിന് പരാജയപ്പെടുത്തി പോളണ്ട്

  
backup
November 26 2022 | 15:11 PM

saudi-poland-full-time-qatar-world-cup-515

ദോഹ: പോളണ്ടിനെതിരെയുള്ള മത്സരത്തില്‍ സഊദി രണ്ട് ഗോളിന് പരാജയപ്പെട്ടു. കളിയിലുടനീളം പൊരുതിനിന്ന സഊദിക്ക് പെനാല്‍റ്റി അവസരം വരെ വന്നെങ്കിലും ഗോളാക്കി മാറ്റാന്‍ സാധിച്ചിരുന്നില്ല. ഇതോടെ പ്രീക്വാര്‍ട്ടര്‍ കാണാന്‍ ഗ്രൂപ്പ് സിയില്‍ ഇനി മരണക്കളിയാകും. ഇന്ന് സൗദി വിജയിച്ചിരുന്നുവെങ്കില്‍ നേരത്തെ അവരോട് തോറ്റ അര്‍ജന്റീനയ്ക്ക് ആശ്വാസമാകുമായിരുന്നു. എന്നാല്‍ സൗദി പരാജയപ്പെട്ടതോടെ അവര്‍ക്ക് തുടര്‍ മത്സരങ്ങളില്‍ വിജയിച്ചേ മതിയാകൂ.

മത്സരത്തില്‍ ആദ്യപകുതിയില്‍ ഒരു ഗോളിനാണ് പോളണ്ട് മുന്നിട്ട് നിന്നിരുന്നത്. 39 ആം മിനിറ്റില്‍ പിയോറ്റര്‍ സിയെലിന്‍സ്‌കിയാണ് പോളണ്ടിനായി വലകുലുക്കിയത്. 82ാം മിനുട്ടില്‍ റോബര്‍ട്ട് ലെവന്‍ഡോവ്‌സ്‌കി സൗദി ഡിഫന്‍ഡറുടെ പിഴവ് മുതലെടുത്താണ് രണ്ടാമത്തെ ഗോള്‍ നേട്ടം ആഘോഷിച്ചത്.

ആദ്യ 35 മിനിറ്റില്‍ സഊദി അറേബ്യയുടെ പ്രതിരോധം തകര്‍ക്കാന്‍ പോളണ്ടിന് കഴിഞ്ഞിരുന്നില്ല. ഒപ്പമെത്താന്‍ സഊദിക്ക് പെനാല്‍റ്റി വഴി അവസരം ലഭിച്ചെങ്കിലും ദൗസാരിയെടുത്ത കിക്ക് ഗോള്‍കീപ്പര്‍ തട്ടിയകറ്റുകയായിരുന്നു.

അര്‍ജന്റീനക്കെതിരെ നേടിയ വിജയത്തില്‍ നിന്നുള്ള ഊര്‍ജമുള്‍ക്കൊണ്ട് മികച്ച മുന്നേറ്റങ്ങളാണ് സഊദി നടത്തിയിരുന്നത്. എന്നാല്‍ കരുത്തുറ്റ പോളണ്ട് നിരയും മികച്ച പ്രകടനം പുറത്തെടുത്തു. പോളണ്ട് നിരയില്‍ മിലികിനും ജാകുബ് കിവിയോറിനും മാറ്റി കാഷിനും മഞ്ഞക്കാര്‍ഡ് കാണേണ്ടി വന്നു. സഊദി നിരയില്‍ അല്‍മാലികിയാണ് നടപടി നേരിട്ടത്.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."