കൊച്ചി: മാനസ കൊലപാതകത്തില്‍ ഒരാള്‍ കൂടി അറസ്റ്റില്‍. മാനസയെ കൊലപ്പെടുത്തിയ രഖിലിന്റെ സുഹൃത്ത് ആദിത്യനാണ് പിടിയിലായത്. ഇയാളെ തെളിവെടുപ്പിനായി ബിഹാറിലേക്ക് കൊണ്ടുപോയി.

ആദിത്യനൊപ്പമായിരുന്നു രഖില്‍ ബിഹാറില്‍ പോയത്. ഇവിടെ നിന്നാണ് ഇയാള്‍ കൊലപാതകം നടത്താന്‍ ഉപയോഗിച്ച തോക്ക് സംഘടിപ്പിച്ചത്.

ആദിത്യന്‍ രഖിലിന്റെ ഉറ്റസുഹൃത്തിന് പുറമെ ബിസിനസ് പങ്കാളിയുമാണ്. ഇതരസംസ്ഥാനത്തൊഴിലാളികളെ ജോലിക്ക് വേണ്ടി കൊണ്ടുവരാനെന്ന പേരിലാണ് രഖിലും ആദിത്യനും ബിഹാറിലേക്ക് പോയത്.

രഖിലിന് തോക്ക് വിറ്റ കേസില്‍ ബിഹാര്‍ സ്വദേശികളായ സോനു കുമാര്‍ മോദി, മനേഷ് കുമാര്‍ വര്‍മ എന്നിവര്‍ നേരത്തെ അറസ്റ്റിലായിരുന്നു.