മാഞ്ചസ്റ്റര്‍ യുണൈറ്റഡില്‍ രണ്ടാം അരങ്ങേറ്റത്തിന് തയ്യാറെടുത്ത് ക്രിസ്റ്റ്യാനൊ റൊണാള്‍ഡോ. ഇംഗ്ലീഷ് പ്രീമിയര്‍ ലീഗില്‍ ന്യൂകാസിലിനെതിരായ പോരാട്ടത്തില്‍ സൂപ്പര്‍ താരം ക്രിസ്റ്റ്യാനൊ റൊണാള്‍ഡോ മാഞ്ചസ്റ്റര്‍ യുണൈറ്റഡിന്റെ ആദ്യ ഇലവനില്‍ ഇടം പിടിച്ചു. മാഞ്ചസ്റ്റര്‍ യുണൈറ്റഡിലേക്കുളള തിരിച്ചുവരവില്‍ റൊണാള്‍ഡോയുടെ ആദ്യ മത്സരമാണിത്.

മുന്നേറ്റനിരയില്‍ സെന്റര്‍ ഫോര്‍വേര്‍ഡായി ഏഴാം നമ്പറില്‍ റൊണാള്‍ഡോ എത്തും. ജെയ്ഡന്‍ സാഞ്ചോ, ബ്രൂണോ ഫെര്‍ണാണ്ടസ്, മേസണ്‍ ഗ്രീന്‍വുഡ് എന്നിവരാണ് പിന്നിലുള്ളത്. ഈ സീസണില്‍ റയല്‍ മാഡ്രിഡില്‍ നിന്ന് യുണൈറ്റഡിലെത്തിയ റാഫേല്‍ വരാനെ യുണൈറ്റഡിന്റെ ഹോം ഗ്രൗണ്ടില്‍ ആദ്യ മത്സരത്തിനിറങ്ങുന്നുണ്ട്. വരാനെക്കൊപ്പം ലൂക്ക് ഷോ, ഹാരി മഗ്വയര്‍, വാന്‍ ബിസാക്ക എന്നിവരാണ് യുണൈറ്റഡിന്റെ പ്രതിരോധനിരയിലുള്ളത്.