ഒരു വൃശ്ചികക്കാറ്റു പോലെ...
ഹക്കിം ചോലയില്‍
‘ശെല്‍വനും ദുരൈയും വലിച്ചു പുറത്തിട്ട് പുറംചട്ട വലിച്ചുകീറി കുന്നുകൂട്ടിയ പുസ്തകങ്ങളിലേക്ക് ഒരുവേള നോക്കി. തല കറങ്ങുന്നു. ലോകം കറങ്ങിത്തിരിയുന്നു. മലര്‍ന്നടിച്ചു വീണു, പുസ്തകങ്ങള്‍ക്കുമേല്‍, നഷ്ടമാകുന്ന ബോധത്തിനിടയിലും അറിയുന്നുണ്ടായിരുന്നു, ഒരപൂര്‍വഗന്ധം ചുറ്റിലും. ആരോ അരികിലുണ്ട്. ആരോ ശിരസില്‍ തലോടുന്നുണ്ട്. പതിയെ ബോധം മറഞ്ഞുമറഞ്ഞുപോയി.....’
ഇക്കഴിഞ്ഞ ഓണക്കാലത്ത്, അവസാനമെഴുതിയ പ്രസിദ്ധീകരിക്കപ്പെട്ട കഥയുടെ ഒടുക്കത്തില്‍ സതീഷ് ബാബു പയ്യന്നൂര്‍ ഇപ്രകാരം എഴുതി. പുസ്തകങ്ങള്‍ക്കു നടുവില്‍ അനാഥമാകുന്ന വാര്‍ധക്യജീവിതത്തെ ആര്‍ദ്രമായി ആവിഷ്‌കരിക്കുന്ന കഥയായിരുന്നു ‘അരികിലാരോ’. വായിച്ചുതീരാത്ത പുസ്തകങ്ങളുടെ നടുവില്‍ ഏകാന്തജീവിതം നയിക്കുന്ന ഒരു വൃദ്ധന്‍ ഈ കഥയില്‍ വായനക്കാരുടെ നെഞ്ചകം വേദനിപ്പിച്ചുകൊണ്ട് നിലകൊള്ളുന്നു. അടുത്തിടെ വായനക്കാരെ വളരെയധികം നോവിപ്പിച്ച ഒരു കഥയായിരുന്നു ‘അരികിലാരോ’.
മലയാള ചെറുകഥയിലെ ആര്‍ദ്രതയുടെ മുഖമായിരുന്നു സതീഷ് ബാബു പയ്യന്നൂര്‍. എഴുത്തില്‍ തന്റേതായ മുദ്ര ചാര്‍ത്തുന്ന എഴുത്തുകാരനാണ് അദ്ദേഹം. ജീവിതത്തില്‍ പരിചയപ്പെടുകയും കാണാനിടവരികയും ചെയ്ത കാര്യങ്ങളെക്കുറിച്ച് അദ്ദേഹം കൂടുതല്‍ എഴുതി. കൃത്രിമമായ ജീവിത പരിസരത്തെ അദ്ദേഹം ഒരിക്കലും രചനയില്‍ കൂടെക്കൂട്ടിയതായി കണ്ടിട്ടില്ല. മലയാളിയുടെ ക്രിയാത്മകമായ വായനാചോദനയെ ചോദ്യംചെയ്യുന്ന വിധത്തില്‍ ഒരിക്കലും അദ്ദേഹം രചനകളില്‍ ദുര്‍ഗ്രഹത സ്വയം സൃഷ്ടിക്കാന്‍ ശ്രമിച്ചിരുന്നുമില്ല. എന്നാല്‍, നിലപാടുകള്‍ സൂക്ഷ്മമായി പിന്തുടരാന്‍ അദ്ദേഹത്തിന്റെ മിക്ക കഥകളും ശ്രമിച്ചതായും നമുക്കു കാണാം.
എണ്‍പതുകളില്‍ ആധുനിക കവിത നടത്തിയ കുതിപ്പുകള്‍ക്കൊപ്പംതന്നെ സമാനമായ മുന്നേറ്റം കഥാസാഹിത്യത്തിലും നടന്നിട്ടുണ്ടായിരുന്നു. ഉത്തരാധുനിക എഴുത്തുകാര്‍ നടത്തിയ ഈ മുന്നേറ്റങ്ങള്‍ക്കൊപ്പം സതീഷ് ബാബു പയ്യന്നൂരിന്റെ കഥകളും പുതിയ ഭാവുകത്വം പകര്‍ന്നതായി കാണാം. സമകാലികരായ അംബികാസുതന്‍ മാങ്ങാട്, ടി.വി കൊച്ചുബാവ, അശോകന്‍ ചരുവില്‍, പി. സുരേന്ദ്രന്‍, ശിഹാബുദ്ദീന്‍ പൊയ്ത്തുംകടവ്, ജോര്‍ജ് ജോസഫ് കെ തുടങ്ങിയവര്‍ക്കൊപ്പം എഴുത്തില്‍ ശ്രദ്ധേയമായ സാന്നിധ്യം സതീഷ് ബാബുവിനും മലയാള സാഹിത്യത്തില്‍ ലഭിച്ചിരുന്നു.
ആധുനിക സാഹിത്യത്തിന്റെ തളര്‍ച്ചയ്ക്കു ശേഷം കൂടുതല്‍ റിയലിസ്റ്റിക്കായി ചരിത്രത്തെ അടയാളപ്പെടുത്തിയ കഥകള്‍ക്കിടയില്‍ വര്‍ത്തമാന, സമകാലികമായ വാക്കുകള്‍കൊണ്ട് വളരെ മുന്നില്‍നില്‍ക്കുന്ന രചനകള്‍ നടത്തിയിട്ടുള്ള എഴുത്തുകാരനായി സതീഷ് ബാബു പയ്യന്നൂര്‍ മാറി. മലയാള വായനയുടെ ഭാവുകത്വ പരിണാമങ്ങളില്‍ ഏറ്റവും കൂടുതല്‍ ഇടപെടുന്ന കഥകളായിരുന്നു അദ്ദേഹത്തിന്റെ ‘പേരമരം, ഒരു തൂവലിന്റെ സ്പര്‍ശം, സരോജം വന്നു’ തുടങ്ങിയ കഥകള്‍. ആര്‍ദ്രമായ താളത്തില്‍ മനുഷ്യമനസിന്റെ അതിസങ്കീര്‍ണമായ ഭാവങ്ങളെ അയത്‌നലളിതമായി സതീഷ് ബാബു ആവിഷ്‌കരിച്ചു. കാല്‍ നൂറ്റാണ്ടുകാലത്തെ മലയാളിജീവിതം ഏല്‍പ്പിച്ച മുറിവുകളും വര്‍ത്തമാനകാലത്ത് മനുഷ്യര്‍ക്ക് സ്വയം നടത്തേണ്ടിവന്ന കലഹങ്ങളും ഏറ്റുമുട്ടലുകളും ഒത്തുതീര്‍പ്പുകളും കീഴടങ്ങലുമെല്ലാം അദ്ദേഹത്തിന്റെ കഥളില്‍ പ്രമേയമായി നിറയുന്നു. പല എഴുത്തുകാരും ജീവിതാനുഭവങ്ങളാണ് കഥയ്ക്ക് അസംസ്‌കൃതവിഭവമാക്കിയിട്ടുള്ളത്. ആ അര്‍ഥത്തില്‍ തന്റെ ജീവിതത്തില്‍നിന്ന് വളരെ സൂക്ഷ്മമായി കണ്ടെടുത്തിട്ടുള്ള ജീവിതങ്ങളെത്തന്നെയാണ് ലളിതമായി സതീഷ്ബാബു കഥകളില്‍ ആവിഷ്‌കരിച്ചതെന്നും പറയാം.
1963ല്‍ പാലക്കാട് ജില്ലയിലെ പത്തിരിപ്പാലയിലാണ് ജനനം. കാഞ്ഞങ്ങാട് നെഹ്‌റു കോളജിലും പയ്യന്നൂരിലെ കോളജിലും പഠിച്ചു. വിദ്യാഭ്യാസത്തിനു ശേഷം സ്റ്റേറ്റ് ബാങ്ക് ഓഫ് ട്രാവന്‍കൂറില്‍ ജോലിയില്‍ പ്രവേശിച്ചു. അക്കാലം മുതലെ സാഹിത്യത്തില്‍ അതീവ തല്‍പരനായിരുന്ന സതീഷ് ബാബു, ആനുകാലികങ്ങളില്‍ കഥ എഴുതിത്തുടങ്ങിയിരുന്നു. പേരമരം, വൃശ്ചികം വന്നു വിളിച്ചു. മണ്ണ്, സീന്‍ ഓവര്‍, ചില സിലിക്കന്‍ നിനവുകള്‍, കുടമണികള്‍ കിലുങ്ങിയ രാവില്‍, ഏകാന്ത രാത്രികള്‍, ഉള്‍ഖനനങ്ങള്‍, കലികാല്‍, വിലാപവൃക്ഷത്തിലെ കാറ്റ്, കമലഹാസന്‍ അഭിനയിക്കാതെപോയ ഒരു സിനിമ തുടങ്ങിയവയാണ് പ്രധാന രചനകള്‍. ഈയാഴ്ച എന്ന വാരികയുടെ എഡിറ്ററായി കുറച്ചുകാലം പ്രവര്‍ത്തിച്ചു. 2001ല്‍ ബാങ്കുജോലി ഉപേക്ഷിച്ച് ദൃശ്യമാധ്യമലോകത്തേക്ക് കടന്നു. പനോരമ എന്ന സ്വന്തം സ്ഥാപനത്തിലൂടെ ടെലിവിഷന്‍ ഷോകള്‍ നിര്‍മിച്ച് അവതരിപ്പിച്ചു. കേരള സാംസ്‌കാരിക ഭവന്റെ സെക്രട്ടറിയായും കുറച്ചുകാലം പ്രവര്‍ത്തിച്ചു.
2012ലെ ചെറുകഥയ്ക്കുള്ള കേരള സാഹിത്യ അക്കാദമി പുരസ്‌കാരം പേരമരം എന്ന ചെറുകഥാസമാഹാരത്തിലൂടെ നേടി. കാരൂര്‍ പുരസ്‌കാരം. മലയാറ്റൂര്‍ അവാര്‍ഡ്, എസ്.ബി.ടി കഥാ അവാര്‍ഡ്, അബൂദബി ശക്തി അവാര്‍ഡ്, അറ്റ്‌ലസ് കൈരളി സാഹിത്യ പുരസ്‌കാരം, ടെലിവിഷന്‍ രംഗത്തെ സമഗ്രസംഭാവനയ്ക്ക് ടി.എന്‍ സുവര്‍ണമുദ്ര എന്നീ അംഗീകാരങ്ങള്‍ ലഭിച്ചു. അകാലത്തിലുള്ള സതീഷ് ബാബുവിന്റെ വിയോഗം, ഒേട്ടറ കഥകളെ മലയാളി വായനക്കാര്‍ക്ക് നഷ്ടപ്പെടുത്തി. വലിയ വിടവു സൃഷ്ടിക്കുമെന്ന കാര്യത്തില്‍ സംശയമില്ല.
കഥകള്‍ മനുഷ്യനോട് സംവദിക്കേണ്ടത് ബൗദ്ധികമായല്ലെന്നും അതു ഹൃദയത്തോട് ഹൃദയം ചേര്‍ത്തുവയ്ക്കലാണെന്നും സതീഷ്ബാബു കഥയിലൂടെ പറയുന്നു. അതുകൊണ്ടാണ് പച്ചമണ്ണിന്റെ കഥകള്‍ പറയാന്‍ ഏതുകാലത്തും സതീഷ് ബാബു ഊറ്റംകൊണ്ടത്. കാലാകാലങ്ങളില്‍ മനുഷ്യജീവിതത്തില്‍ ഉണ്ടാകുന്ന മാറ്റങ്ങളെ തന്റെ കഥകളിലൂടെ ആവിഷ്‌കരിക്കുവാന്‍ എന്നും അദ്ദേഹം സൂക്ഷ്മമായ തലങ്ങളിലൂടെ കഥകളില്‍ ശ്രദ്ധിച്ചിരുന്നു. അതില്‍ മാനവികതയുടെ ഒരു തൂവല്‍സ്പര്‍ശം എന്നും അനുവാചകന് അനുഭവപ്പെടുകയും ചെയ്തു. അതിനാല്‍ മനുഷ്യപക്ഷത്തു നില്‍ക്കുന്ന കഥകളായിരുന്നു സതീഷ് ബാബുവിനു എന്നും ഇഷ്ടം.
ഒരു പുസ്തകം വായിക്കാനെടുക്കുമ്പോള്‍ എഴുത്തുകാരന്റെ അദൃശ്യമായ സാമീപ്യം അനുഭവിക്കുന്ന കഥാപാത്രത്തെയാണ് ‘അരികിലാരോ’ എന്ന കഥയില്‍ സതീഷ് ബാബു പയ്യന്നൂര്‍ സൃഷ്ടിച്ചത്. ഒരു സ്വപ്നംപോലെ ഈ ലോകത്തുനിന്ന് കടന്നുപോയ അദ്ദേഹത്തെ വായിക്കുമ്പോള്‍, ആ നനുത്ത സാമീപ്യം നാം തിരിച്ചറിയുന്നു. ഒരിളം മഞ്ഞുപോലെ, ഒരു വൃശ്ചികക്കാറ്റുപോലെ അദ്ദേഹം വായനക്കാരുടെ മനസിലേക്ക് നൈര്‍മല്യത്തോടെ കടന്നുവരുന്നു.
•
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."RELATED NEWS
പത്തനംതിട്ടയിൽ നഴ്സിംഗ് വിദ്യാർത്ഥിനി ഹോസ്റ്റൽ കെട്ടിടത്തിന് മുകളിൽ നിന്ന് വീണ് മരിച്ചു
Kerala
• a month ago
കറന്റ് അഫയേഴ്സ്-15-11-2024
PSC/UPSC
• a month ago
രാജ്യതലസ്ഥാനത്ത് 900 കോടിയുടെ വൻ ലഹരിവേട്ട
National
• a month ago
വിദേശത്ത് ജോലി വാഗ്ദാനം നൽകി തട്ടിയത് ലക്ഷങ്ങൾ; അമ്മയും മകളും അടക്കം 3 പിടിയിൽ
Kerala
• a month ago
യുഎഇയില്‍ മത്സ്യവില കുത്തനെ കുറഞ്ഞു
uae
• a month ago
നിങ്ങൾ ഡയറ്റിലാണോ എങ്കിൽ ആന്‍റിഓക്സിഡന്‍റുകള്‍ ലഭിക്കാന്‍ ഈ പഴങ്ങള്‍ ഭക്ഷണത്തിൽ ഉൾപ്പെടുത്തു
Health
• a month ago
മലപ്പുറത്ത് കനത്ത മഴ, നിലമ്പൂരിൽ 4 മണിക്കൂറിൽ പെയ്തത് 99 എംഎം മഴ,ജില്ലയിൽ വരും മണിക്കൂറിലും മഴ തുടരും
Kerala
• a month ago
ഹരിദ്വാറിൽ വിവാഹ സംഘം സ‍ഞ്ചരിച്ചിരുന്ന വാഹനം ഡിവൈഡറില്‍ ഇടിച്ച് മറിഞ്ഞു; നാല് മരണം
National
• a month ago
മുപ്പതാം ദുബൈ ഷോപ്പിംഗ് ഫെസ്റ്റിവൽ ഡിസംബര്‍ 6ന് ആരംഭിക്കും
uae
• a month ago
പാലക്കാട് കോങ്ങാടിൽ സ്വകാര്യ ബസ് മറിഞ്ഞ് അപകടം; നിരവധി പേര്‍ക്ക് പരിക്ക്
Kerala
• a month ago
ശബ്ദമലിനീകരണം ഉണ്ടാക്കുന്ന വാഹനങ്ങള്‍ക്കെതിരെ കര്‍ശന നടപടിയുമായി ദുബൈ പൊലിസ്
uae
• a month ago
ഗുജറാത്തിൽ വൻ മയക്കുമരുന്ന് വേട്ട; സമുദ്രാതിർത്തിയിൽ നിന്നും 700 കിലോ മെത്ത് പിടികൂടി
National
• a month ago
അണുബാധ മുക്തമല്ല; മലപ്പുറത്ത് രണ്ട് ആരോഗ്യ കേന്ദ്രങ്ങൾ അടച്ചുപൂട്ടി
latest
• a month ago
പാരിസ്ഥിതിക കുറ്റകൃത്യങ്ങള്‍ ചെറുക്കുന്നതിന് യുഎഇയുടെ നേതൃത്വത്തില്‍ സംയുക്ത ഓപ്പറേഷന്‍; 58 പ്രതികള്‍ പിടിയില്‍
uae
• a month ago
വയനാട് ദുരന്തം; ചൊവ്വാഴ്ച വയനാട്ടില്‍ എല്‍ഡിഎഫ് യുഡിഎഫ് ഹര്‍ത്താല്‍
Kerala
• a month ago
രൂപയുടെ ഇടിവ്; പ്രവാസികള്‍ക്ക് നാട്ടിലേക്ക് പണം അയയ്ക്കാന്‍ നല്ല സമയം
uae
• a month ago
കണ്ണൂരില്‍ ബസ് അപകടത്തില്‍ മരിച്ച അഭിനേതാക്കളുടെ കുടുംബത്തിന് ധനസഹായം പ്രഖ്യാപിച്ചു
Kerala
• a month ago
ഇല്ലാത്ത കാര്യങ്ങള്‍ പ്രചരിപ്പിക്കുന്നു: ഇപിയുടെ പുസതക വിവാദം പാര്‍ട്ടിയെ ബാധിച്ചിട്ടില്ലെന്ന് എം.വി ഗോവിന്ദന്‍
Kerala
• a month ago
മുനമ്പം: പഴയ ചരിത്രത്തിലേക്ക് പോയാല്‍ ഏറ്റവും ബുദ്ധിമുട്ടുണ്ടാകുക ഇടതുപക്ഷത്തിന്- കുഞ്ഞാലിക്കുട്ടി, വിഷയം വര്‍ഗീയ വിഭജനമുണ്ടാക്കാന്‍ ഉപയോഗിക്കരുത്
Kerala
• a month ago
ആള്‍നഷ്ടം മാനഹാനി.. വെടിനിര്‍ത്തല്‍ നിര്‍ദ്ദേശവുമായി വീണ്ടും യു.എസ്; ലബനാനില്‍ ഒരു ഇസ്‌റാഈല്‍ സൈനികന്‍ കൂടി കൊല്ലപ്പെട്ടു, മറ്റൊരാള്‍ ഗുരുതരാവസ്ഥയില്‍
International
• a month ago
നെടുമ്പാശേരി വിമാനത്താവളത്തില്‍ ലഹരിവേട്ട, പിടികൂടിയത് ഏഴര കോടിയുടെ ഹൈബ്രിഡ് കഞ്ചാവ്
Kerala
• a month ago
കെഎസ്ആര്‍ടിസി ബസിടിച്ചു തകര്‍ന്ന ശക്തന്‍ പ്രതിമ അഞ്ച് മാസത്തെ കാത്തിരിപ്പിനോടുവിൽ പുനഃസ്ഥാപിച്ചു
Kerala
• a month ago
അബൂദബി ഗ്രാന്‍ ഫോണ്ടോ; യുഎഇയില്‍ ഗതാഗത നിയന്ത്രണം
uae
• a month ago