ശ്രീനഗര്‍: ജമ്മു കശ്മിരിലുണ്ടായ മേഘവിസ്‌ഫോടനത്തില്‍ ഒരു കുടുംബത്തിലെ നാലുപേര്‍ കൊല്ലപ്പെട്ടു. ബാരമുല്ലാ ജില്ലയിലെ റാഫിയാബാദ് പ്രദേശത്തെ കഫര്‍നാറിലാണ് നാടോടികളായ ബകര്‍വാള്‍ കുടുംബത്തിലെ നാലുപേര്‍ മരിച്ചത്.

കുടുംബത്തിലെ ഒരാളെ കാണാതാവുകയും ഒരാളെ രക്ഷപ്പെടുത്തുകയും ചെയ്തിട്ടുണ്ട്.

രാജ്ഗൗരി ജില്ലയിലെ ഹാജി ബഷീര്‍ അഹമ്മദിന്റെ കുടുംബത്തിനാണ് ദുരന്തം നേരിടേണ്ടി വന്നത്. കാണാതായ ആള്‍ക്കുവേണ്ടി ദുരന്തനിവാരണ സംഘം അവശിഷ്ടങ്ങള്‍ക്കിടയില്‍ തിരച്ചില്‍ നടത്തിക്കൊണ്ടിരിക്കുകയാണെന്ന് വടക്കന്‍ കശ്മീരിലെ ഡെപ്യൂട്ടി ഇന്‍സ്‌പെക്ടര്‍ ജനറലായ സുജിത് കുമാര്‍ പറഞ്ഞു.