കായംകുളം: രണ്ട് പതിറ്റാണ്ട് എസ്.എഫ്‌ഐ കുത്തകയാക്കിവെച്ച കായംകുളം എം.എസ്.എം കോളജ് യൂണിയന്‍ എം.എസ്.എഫ്- കെ.എസ്.യു സഖ്യം മുഴുവന്‍ സീറ്റും പിടിച്ചെടുത്തു. തെരഞ്ഞെടുപ്പില്‍ എം.എസ്.എഫ് ലെ ഇര്‍ഫാന്‍ ഐക്കര ചെയര്‍മാനായുള്ള പാനലാണ് വിജയം കൊയ്തത്. 20 വര്‍ഷം മുമ്പാണ് ഇതേ പോലെ ഒരു വിജയം യു.ഡി.എസ്.എഫ് പാനലിന് നേടായത്. അന്ന് മത്സരിച്ച മുഴുവന്‍ സ്ഥാനാര്‍ഥികളും വിജയിച്ചിരുന്നു.

മുന്‍കാലങ്ങളില്‍ ചെയര്‍മാന്‍ സ്ഥാനത്ത് മത്സരിക്കുന്നത് കെ.എസ്.യു ആയിരുന്നെങ്കില്‍ ഇതില്‍ നിന്നും വ്യത്യസ്തമായി ഇത്തവണ എം.എസ്.എഫിന് ചെയര്‍മാന്‍ സ്ഥാനം നല്‍കിയാണ് കോളജ് യൂണിയന്‍ തെരഞ്ഞെടുപ്പിനെ നേരിട്ടത്.അതേസമയം ഇടതുപക്ഷ സംഘടനകളായ എസ്.എഫ്.ഐയും, എ.ഐ.എസ്.എഫും ഇത്തവണ രണ്ട് പാനലുകളില്‍ നിന്നും മത്സരിക്കുകയായിരുന്നു. ഈ പാനലുകളില്‍ ഒരാള്‍ പോലും വിജയിക്കാന്‍ കഴിഞ്ഞില്ല.

മുഹമ്മദ് ഇര്‍ഫാന്‍ പി. (ചെയര്‍മാന്‍ എം എസ് എഫ് ) ഐശര്യാ റോയി (
വൈസ് ചെയര്‍മാന്‍ കെ.എസ്.യു )കാമില്‍ അഹ്മ്മദ് (ജനറല്‍ സെക്രട്ടറി )
റിന്‍ഷാദ്, ഷെമിന എസ് (യു യു സി ) ഹഫീസ് എച്ച് (മാഗസിന്‍ എഡിറ്റര്‍)
മുഹമ്മദ് അസ്‌ലം (ആര്‍ട്ട് ക്ലബ് സെക്രട്ടറി)
ലേഡീസ്‌റപ്പ്.ഗായത്രി ഗോപന്‍, ഷഹനാസ് ഷാജി,ഫസ്റ്റ ഇയര്‍ യു.ജി.സി റപ്പ് .മുഹമ്മദ് സുഹൈല്‍ എസ്, സെക്കന്റ ഇയര്‍ യു.ജി.സിറപ്പ്. ഹലില്‍ ജവാദ്, തേഡ് ഇയര്‍ റപ്പ് അല്‍ത്താഫ് ഹുസൈയിന്‍ എം ,ഫസ്റ്റ് ഇയര്‍ റപ്പ്. അഹമ്മദ് സാദിഖ് ,സെക്കറ്റ് ഇയര്‍ റപ്പ്.മുഹമ്മദ് ഫൈസല്‍ എന്നിവരാണ് കെ.എസ്.യു, എം.എസ്.എഫ് പാനലില്‍ വിജയിച്ചവര്‍.
കോളേജ് ക്യാമ്പസിലെ എസ്.എഫ്.ഐ യുടെ ജനാധിപത്യ വിദ്യാര്‍ഥി വിരുദ്ധ നടപടിക്ക് എതിരെയുള്ള വിധി എഴുത്താണെന്ന് ചെയര്‍മാനായി വിജയിച്ച മുഹമ്മദ് ഇര്‍ഫാന്‍ പറഞ്ഞു.