കൊടി സുനിയെ തവനൂര്‍ ജയിലിലേക്ക് മാറ്റി

തൃശൂര്‍: വിയ്യൂര്‍ ജയിലില്‍ നടന്ന സംഘര്‍ഷത്തിന്റെ പശ്ചാത്തലത്തില്‍ ടി.പി ചന്ദ്രശേഖരന്‍ വധക്കേസ് പ്രതി കൊടിസുനിയെ ജയില്‍ മാറ്റി. തവനൂര്‍ ജയിലിലേക്കാണ് മാറ്റിയത്.

ഉത്തരമേഖല ജയില്‍ ഡിഐജിയുടെ കീഴിലാണ് തവനൂര്‍ ജയില്‍. കൊടി സുനിയും സംഘവും ചേര്‍ന്ന് ജയില്‍ ഉദ്യോഗസ്ഥനായ അര്‍ജുനനെ ഇരുമ്പുവടി കൊണ്ട് ആക്രമിക്കുകയും തടയാന്‍ ചെന്ന ഉദ്യോഗസ്ഥരെ ക്രൂരമായി മര്‍ദ്ദിക്കുകയും ചെയ്തുവെന്നായിരുന്നു കേസ്. നിരവധി ജയില്‍ ഉപകരണങ്ങള്‍ തകര്‍ക്കുകയും ചെയ്തു. സംഭവത്തില്‍ 4 ജീവനക്കാര്‍ക്ക് പരിക്കേറ്റിരുന്നു.