ആലപ്പുഴ:ആലപ്പുഴയില്‍ പൊലീസ് ഉദ്യോഗസ്ഥന്റെ മൃതദേഹം കടപ്പുറത്ത് കണ്ടെത്തി.എ.ആര്‍ ക്യാമ്പിലെ എ.എസ്.ഐ ആയ ആലപ്പുഴ കാഞ്ഞിരംചിറ സ്വദേശി ഫെബി ഗോണ്‍സാലസിന്റെ മൃതദേഹമാണ് കടപ്പൂരത്ത് നിന്നും കണ്ടെത്തിയത്. ഇന്നു രാവിലെ എട്ടരയോടെയാണ് ഫെബിയുടെ മൃതദേഹം കടപ്പുറത്ത് അടിഞ്ഞത്. പൊലിസ് നടത്തിയ പരിശോധനയിലാണ് മരിച്ചത് എ.എസ്.ഐയാണെന്ന് തിരിച്ചറിഞ്ഞത്. ആത്മഹത്യയാണെന്നാണ് പ്രാഥമിക നിഗമനം.

ഇന്നലെ വൈകിട്ട് വരെ ഇദ്ദേഹം ആലപ്പുഴയിലെ ക്യാമ്പിലുണ്ടായിരുന്നു.ക്യാമ്പില്‍ എന്തെങ്കിലും പ്രശ്‌നം ഉള്ളതായി അറിയില്ലെന്ന് ക്യാമ്പ് കമാന്‍ഡന്റ് അറിയിച്ചു.മൃതദേഹത്തില്‍ പരിക്കുകളില്ല.