ലോകകപ്പ് സെമി: തുടക്കം കസറി ഇന്ത്യ

മുംബൈ: ലോകകപ്പ് സെമി ഫൈനലില്‍ ന്യൂസിലന്‍ഡിനെതിരെ ടോസ് നേടിയ ഇന്ത്യ ബാറ്റിങ് തെരഞ്ഞെടുത്തു. മുംബൈ വാംഖഡെ സ്റ്റേഡിയത്തിലാണ് മത്സരം. മെച്ചപ്പെട്ട നിലയിലാണ് ഇന്ത്യ കളി തുടങ്ങിയത്. ആറ് ഓവര്‍ പിന്നിട്ടപ്പോള്‍ 58 റണ്‍സ് നേടി ഇന്ത്യ.

കഴിഞ്ഞ മത്സരത്തിലെ അതേ ടീമിനെ തന്നെയാണ് ഇന്ത്യയും ന്യൂസിലന്‍ഡും കളത്തിലിറക്കുന്നത്. ലീഗ് റൗണ്ടില്‍ കളിച്ച ഒമ്പത് മത്സരങ്ങളും ജയിച്ച ആത്മവിശ്വാസത്തിലാണ് ഇന്ത്യ സെമി പോരാട്ടത്തിനിറങ്ങുന്നത്.
ആസ്‌ത്രേലിയ, അഫ്ഗാനിസ്താന്‍, പാകിസ്താന്‍, ബംഗ്ലാദേശ്, ന്യൂസിലന്‍ഡ്, ഇംഗ്ലണ്ട്, ശ്രീലങ്ക, ദക്ഷിണാഫ്രിക്ക, നെതര്‍ലന്‍ഡ്‌സ് എന്നിവര്‍ ഇന്ത്യയോട് ലീഗ് റൗണ്ടില്‍ തോല്‍വി ഏറ്റുവാങ്ങി.